అధిక కరెంటు బిల్లులు.. మెదక్‌లో అధికారుల్ని కట్టేసి గ్రామస్థుల ప్రతాపం

రాష్ట్రంలో లాక్ డౌన్ విధించిన తర్వాతి నుంచి ఎక్కువగా విద్యుత్ బిల్లులు వస్తున్నాయనే ఆరోపణలు వెల్లువెత్తిన సంగతి తెలిసిందే. కొన్ని చోట్ల ఎప్పుడూ రూ.వందల్లో వచ్చే కరెంటు బిల్లు రూ.లక్షల్లో కూడా వచ్చిన ఘటనలు వెలుగు చూశాయి. దీనిపై ప్రజలు చాలా అసంతృప్తి వ్యక్తం చేశారు. మరికొంత మంది ఏకంగా విద్యుత్ అధికారులతో గొడవ పెట్టుకున్నారు. తాజాగా ఈ కరెంట్‌ బిల్లులు చూసి తీవ్ర ఆగ్రహం చెందిన మెదక్‌ జిల్లా మండల పరిధిలోని ముస్లాపూర్‌ గ్రామవాసులు విద్యుత్‌ సిబ్బందిపై తమ ప్రతాపం చూపించారు. కరెంటు బిల్లులు వసూలు చేయడానికి వచ్చిన అధికారులను పట్టుకుని గ్రామస్థులు ఏకంగా స్తంభానికి కట్టేశారు. ఉన్నతాధికారులు వచ్చేంతవరకు వారిని విడిచిపెట్టేది లేదని తేగేసి చెప్పారు.

Also Read: undefined

గత రెండు నెలలుగా అధిక విద్యుత్‌ బిల్లులు, కరెంటు కోతలు వంటి సమస్యలతో తాము తీవ్ర అసంతృప్తితో ఉన్నామని గ్రామస్థులు తెలిపారు. వీటి గురించి అధికారులకు చెప్పిన వారు చూసి చూడనట్టు వదిలేస్తున్నారని అధికారుల తీరుపై ఆగ్రహం వ్యక్తం చేశారు. దీంతో విసుగు చెందిన గ్రామస్థులు తమ ఊరికి వచ్చిన విద్యుత్ అధికారులను తాళ్లతో కట్టేసి ఇలా నిరసనకు దిగారు. తమ సమస్యలు పరిష్కరించాలని డిమాండ్‌ చేశారు. రోజులకు రోజులు విద్యుత్‌ సరఫరాలో అంతరాయం, అధిక కరెంటు బిల్లులు వసూళ్ల గురించి ఎన్నిసార్లు ఫిర్యాదు చేసినా పట్టించుకొనే వాడే లేడని గ్రామస్థులు ఆగ్రహం వ్యక్తం చేశారు.

Must Read: ఆకాశంలో గ్రహాలు చూడాలా.. అరుదైన అవకాశం ఇవాళే..