షాద్‌నగర్: పోలీసుల నాగినీ డ్యాన్స్‌లు.. సీపీ సజ్జనార్ వేటు

గెట్ టు గెదర్ పేరుతో పోలీసులు పార్టీ చేసుకున్నారు. వెంటనే స్టైజ్ ఎక్కేశారు.. పాటలు పాడుతూ, డ్యాన్సులు చేస్తూ ఊగిపోయారు. సరదాగా వీడియోను మొబైల్స్‌లో రికార్డ్ చేసుకున్నారు. వెంటనే వీడియో సోషల్ మీడియాలో ప్రత్యక్షమైంది. పోలీసులు కావడంతో ఈ వీడియోపై విమర్శలు వచ్చాయి. బాధ్యతయుతంగా ఉండాల్సిన వాళ్లు ఇలా చేయడం ఏంటని ప్రశ్నలు వినిపించాయి. సీన్ కట్ చేస్తే బదిలీ వేటు పడింది.

అసలు విషయానికి వస్తే రంగారెడ్డి జిల్లా షాద్‌నగర్‌లో ఆదివారం టౌన్ సీఐ శ్రీధర్ ఆధ్వర్యంలో గెట్ టు గెదర్ ఏర్పాటు చేశారు. అందరి కలిసి చక్కగా పార్టీ చేసుకున్నారు.. సరదాగా గడిపారు. అసలే పార్టీ జోష్‌లో ఉన్నారు.. ఇక ఆగుతారా. వెంటనే అందరి కలిసి డ్యాన్సులు మొదలు పెట్టారు. అందరి కలిసి స్టెప్పులేస్తూ కొద్దిసేపు ఎంజాయ్ చేశారు.

సీన్ కట్ చేస్తే వీడియో సోషల్ మీడియాలో వైరల్ కావడంతో పోలీసు ఉన్నతాధికారులకు చేరింది. వెంటనే స్ంపదించిన సైబరాబాద్ సీపీ సజ్జనార్ మండిపడ్డారు. షాద్‌నగర్‌ సీఐ శ్రీధర్‌ను బదిలీ చేస్తూ ఉత్వర్వులు జారీ చేశారు. ఆయన్ను హెడ్‌ క్వార్టర్స్‌కు అటాచ్‌ చేశారు. విచారణ జరిపి నివేదిక సమర్పించాలని షాద్‌నగర్‌ ఏసీపీని ఆదేశించారు.