కేబుల్ బ్రిడ్జిపై ఈ ఫ్యామిలీ ‘నెవ్వర్ బిఫోర్ ఎవర్ ఆఫ్టర్’.. పరుగో పరుగు.. వీడియో

సైబరాబాద్ కేబుల్ బ్రిడ్జిపై రకరకాల విన్యాసాలు కనిపిస్తున్నాయి. పోలీసులు ఎన్నిసార్లు హెచ్చరిస్తున్న రోడ్లపై బండి ఆపి ఫోటోలు దిగుతూనే ఉన్నారు. తాజాగా ఓ కుటుంబం కేబుల్ బ్రిడ్జి మీద ఫోటోలు దిగడానికి బండి ఆపింది. ఆ తర్వాత బండి నంబర్‌కు చలాన్ పడకూడదని అక్కడికి వచ్చిన వ్యక్తి అతి తెలివి ప్రదర్శించి తన భార్య చున్నీతో నెంబర్ ప్లేట్‌ను కప్పేశాడు. భార్యా పిల్లలతో ఫోటో దిగే ప్రయత్నం చేశాడు.

ఇంతలో సైబరాబాద్ ట్రాఫిక్ పోలీసులు మైక్‌లో అనౌన్స్‌మెంట్ చేశారు. ఆ మైక్ వారిని పరిశీలిస్తున్న కెమెరా దగ్గరే ఉంది. ఈ విషయం గమనించిన వారు వెంటనే అక్కడి నుంచి పరారయ్యారు. చిన్న పిల్లలతో సహా కేబుల్ బ్రిడ్జి మధ్యలో ఆగి ఫోటోలు దిగడం ప్రమాదకరం అని తెలిసిన చాలా మంది కుటుంబాలు ఈ విధంగానే చేస్తున్నాయి. కేబుల్ బ్రిడ్జి మీద ఆగడం ట్రాఫిక్ రూల్స్ కి విరుద్ధం అయినప్పటికీ అక్కడ ఆగి చాలా మంచి ఫోటోలు దిగుతున్నారు.

తాజాగా ఈ కుటుంబానికి సంబంధించిన వీడియోను సైబరాబాద్ ట్రాఫిక్ పోలీసులు విడుదల చేశారు. ఈ మేరకు ట్విటర్‌లో దాన్ని ఉంచి, ఇలాంటి ఫ్యామిలీ నెవర్ బిఫోర్ ఎవర్ ఆఫ్టర్ అంటూ క్యాప్షన్ ఇచ్చారు. ట్రాఫిక్ రూల్స్ ఎల్లప్పుడూ పాటించాలని ప్రజలకు సూచించారు.