హైదరాబాద్‌లో దారుణం.. చిన్నకూతురిపై తండ్రి అఘాయిత్యం

మహిళలపై దారుణాలు రోజురోజుకు పెరిగిపోతున్నాయి. ఆడపిల్లలకు తమ ఇంట్లోనే రక్షణ లేకుండా పోతుంది. కొందరు అభం శుభం తెలియిని అమ్మాయిలను కన్న తండ్రే కాటేస్తున్నారు. కంటికి రెప్పలా కన్నపిల్లల్ని చూడాల్సిన తండ్రే సభ్య సమాజం తలదించుకునే పని చేశాడు. తాజాగా ఓ హైదరాబాద్‌లో ఇలాంటి ఘటన చోటుచేసుకుంది. కూతురిపైనే ఓ తండ్రి అఘాయిత్యానికి ఒడిగట్టాడు. ఈ దారుణ ఘటన మల్కాజిగిరి పోలీస్‌ స్టేషన్‌ పరిధిలో జరిగింది. పోలీసులు తెలిపిన వివరాల ప్రకారం.. ఓ వ్యక్తి (31) తన భార్య, పిల్లలతో కలిసి ఉంటున్నాడు.

Read More: భర్తని వదిలేసి.. కొడుకుని చంపేసి ప్రియుడితో.. కృష్ణా జిల్లాలో దారుణం

ఈ దంపతులకు ముగ్గురు సంతానం. ఇద్దరు ఆడపిల్లలు, ఓ అబ్బాయి. భార్య ఇళ్లల్లో పనిచేస్తోంది. మంగళవారం సాయంత్రం అమె పని మీద బయటకు వెళ్లింది. తండ్రి, పిల్లలు ఇంట్లోనే ఉన్నారు. అయితే భార్య బయటకు వెళ్లగానే తండ్రి తన పెద్దకూతురు, కుమారుడ్ని బయటకు పంపాడు. అదును చూసి చిన్న కూతురుని లోపలే ఉంచాడు. అనంతరం ఆమెపై అఘాయిత్యానికి పాల్పడ్డాడు. గంట తర్వాత భార్య వచ్చి తలుపులు తట్టగా అతడు తలుపులు తెరిచాడు. అప్పటికే కూతురు ఉన్న పరిస్థితి చూసి ఆమెకు అనుమానం కల్గింది. కూతురుని వివరాలు అడగ్గా తండ్రి చేసిన ఘాతుకాన్ని తల్లికి వివరించింది. దీంతో భార్య భర్తపై పోలీసులకు ఫిర్యాదు చేసింది. పోలీసులు నిందితుడిపై పోక్సో కేసు పెట్టి రిమాండ్‌కు తరలించారు.