హైదరాబాద్‌లో అన్ని షాపులూ తెరవచ్చు.. కానీ..: జీహెచ్ఎంసీ కమిషనర్

హైదరాబాద్‌లో అన్ని రకాల దుకాణాలు రోజు తప్పించి రోజు తెరుచుకోవచ్చునని జీహెచ్‌ఎంసీ కమిషనర్‌ లోకేశ్‌ కుమార్‌ తెలిపారు. మలక్‌పేట్‌లో షాపుల మార్కింగ్‌ను కమిషనర్‌ ఆకస్మికంగా తనిఖీ చేశారు. షాపుల నిర్వహణను ఎప్పటికప్పుడు పర్యవేక్షించాలని కమిషనర్ అధికారులను ఆదేశించారు. నిత్యావసర వస్తువుల దుకాణాలు యథాతథంగా నడుస్తాయని చెప్పారు. షాపింగ్ మాల్స్‌, రెస్టారెంట్లు, బార్లు, సినిమా హాళ్లు మూసి ఉంచాలని సూచించారు. కంటైన్మెంట్‌ జోన్లలోని షాపులన్నీ మూసే ఉండాలని ఆదేశించారు.

దుకాణాల్లో పనిచేస్తున్న వారు తప్పనిసరిగా మాస్కులు ధరించాలని చెప్పారు. మాస్క్‌ ధరించకపోతే ఎవరికైనా సరే రూ.వెయ్యి జరిమానా విధిస్తామని హెచ్చరించారు. దుకాణాల్లో శానిటైజర్లు ఏర్పాటు చేయాలని.. నిబంధనలు అతిక్రమిస్తే చర్యలు తీసుకుంటామని కమిషనర్‌ హెచ్చరించారు. నిబంధనలన్నీ ఈ నెల 31వ తేదీ వ‌ర‌కు అమలులో ఉంటాయని జీహెచ్ఎంసీ క‌మిష‌న‌ర్ స్పష్టం చేశారు. పరిస్థితులను బట్టి తదుపరి నిబంధనలు ఉంటాయని తెలిపారు.

Also Read: undefined

ఇతర నిబంధనలివే..
* దుకాణాల్లో ప‌నిచేస్తున్న ఉద్యోగులందరూ తప్పనిస‌రిగా మాస్కులు ధ‌రించాల్సి ఉంటుంది.
* కొనుగోలుదారులు కూడా కచ్చితంగా మాస్కులు ధ‌రించి దుకాణాల‌కు వెళ్లాలి.
* నో మాస్కు, నో గూడ్స్‌, నో స‌ర్వీస్ (మాస్కు లేకపోతే సరకులు లేవు) అనే నిబంధ‌న‌ను క‌చ్చితంగా అమలు చేయాలి.
* మాస్కు లేకుండా ఎవరైనా బయటికి వస్తే రూ.వెయ్యి జరిమానా విధించాలి
* షాపుల వద్ద భౌతిక దూరం మార్కులు చేసి ఉంచాలి. ఎంట్రీ, ఎగ్జిట్ పాయింట్ల వ‌ద్ద హ్యాండ్ శానిటైజ‌ర్లు ఏర్పాటు చేయాలి.
* దుకాణాల్లోకి ప్రవేశిస్తున్న క్రమంలో వాటంతట అవే తెరుచుకొనేలా తలుపులను ఏర్పాటు చేసేందుకు ప్రయత్నించాలి.

Also Read: undefined

Also Read: undefined