బంజారహిల్స్‌లో జీహెచ్ఎంసీ కార్మికురాలు ఆత్మహత్య

మానసిక ఇబ్బందులతో ఆత్మహత్యలు చేసుకుంటున్న వారి సంఖ్య ఎక్కువ అయిపోతుంది. అప్పులా బాధతో కొందరు, కుటుంబసమస్యలతో మరికొందరు తీవ్ర మానసిక వేదనకు గురవుతున్నారు . ఆ బాధను తట్టుకోలేక బలవన్మరణాలకు పాల్పడుతున్నారు. తాాజాగా హైదరాబాద్‌లో జీహెచ్‌ఎంసీ పారిశుధ్య కార్మికురాలు ఆత్మహత్య చేసుకుంది. బంజారాహిల్స్‌ రోడ్డునెంబర్‌-7 దేవరకొండబస్తీకి చెందిన రేణుక (40)జీహెచ్‌ ఎంసీలో పారిశుధ్య కార్మికురాలిగా పనిచేస్తోంది.

భర్త చనిపోగా రేణుక కుమారుడు గణే్‌షతో కలిసి నివసిస్తోంది. అయితే గత కొన్ని నెలలుగా ఆమె మానసికంగా ఇబ్బందులు ఎదుర్కొంటుంది. గురువారం గణేశ్‌ పనిపై బయటకెళ్లి అర్ధరాత్రి తర్వాత ఇంటికి తిరిగొచ్చాడు. ఎంత కొట్టినా అతడి తల్లి తలుపులు తీయలేదు. పక్కనే ఉన్న కిటికి నుంచి చూడగా ఆమె ఫ్యాన్‌కు ఉరేసుకుని కనిపించింది. స్థానికుల సహాయంతో తలుపులు బద్ధలుకొట్టి ఆమెను కిందకు దించి చూడగా అప్పటికే మరణించింది. బంజారాహిల్స్‌ పోలీసులు కేసు నమోదు చేసుకొని దర్యాప్తు చేస్తున్నారు.