సికింద్రాబాద్: కార్పొరేట్ ఆస్పత్రి ముందు బీజేవైఎం నేతల నిరసన

కరోనా వైరస్ విషయంలో కార్పొరేట్ ఆసుపత్రుల దోపిడీని అరికట్టాలని డిమాండ్ చేస్తూ బీజేవైఎం నేతలు ఆందోళన చేపట్టారు. ఈ మేరకు వారు సికింద్రాబాద్‌లోని యశోద ఆసుపత్రి ముందు బైఠాయించి నిరసనలు చేపట్టారు. ఆస్పత్రి ఎదుట బీజేపీ కార్యకర్తల ఆధ్వర్యంలో ప్లకార్డులు ప్రదర్శిస్తూ నినాదాలు చేశారు. కరోనా వైద్యం పేరుతో రూ.లక్షలు చొప్పున బిల్లు వేస్తున్న ఇతర కార్పొరేట్ హాస్పిటల్స్‌పై ప్రభుత్వం కఠిన చర్యలు తీసుకోవాలని డిమాండ్ చేశారు.

అంతేకాక, కరోనా వైద్యాన్ని వెంటనే ఆరోగ్య శ్రీలో చేర్చాలని బీజేవైఎం నేతలు డిమాండ్ చేశారు. లేదా కేంద్ర ప్రభుత్వం ప్రవేశపెట్టిన ఆయుస్మాన్ పథకాన్ని తెలంగాణలోనూ అనుమతించాలని నినాదాలు చేశారు. కార్పొరేట్ ఆస్పత్రుల దోపిడీలను అరికట్టి కరోనా వైద్యాన్ని ప్రభుత్వ ఆధీనంలోకి తీసుకొని పేద ప్రజలను కాపాడాలని డిమాండ్ చేశారు.