హిజ్రాల హల్‌చల్.. నడిరోడ్డుపై మరో హిజ్రా బట్టలిప్పేస్తూ దారుణం.. వీడియో

రాజన్న సిరిసిల్ల జిల్లాలో హిజ్రాలు హల్ చల్ చేశారు. నడిరోడ్డుపై అందరూ చూస్తుండగానే నిస్సిగ్గుగా వ్యవహరించారు. సిరిసిల్ల నడి బొడ్డులో బస్ స్టేషన్ సమీపంలోనే ఈ ఘటన జరగడం గమనించదగ్గ విషయం. నడి రోడ్డుపై మరో హిజ్రా ఒంటిపై బట్టలు లాగేస్తూ వివస్త్రను చేశారు. అంతటితో ఆగకుండా దేహశుద్ధి కూడా చేశారు. బట్టలు లాగొద్దని బాధిత హిజ్రాతో పాటు చుట్టుపక్కల జనం వాదిస్తున్నా వారు వినలేదు. పైన వేసుకొనే బట్టలను లాగి పడేశారు. ఆ తర్వాత ప్యాంట్‌ను లాగేస్తున్న క్రమంలో చుట్టుపక్కల వారు అడ్డుకున్నారు.

ఇంతలో సమాచారం అందుకున్న పోలీసులు ఘటనా స్థలానికి చేరుకోవడంతో హిజ్రాలను వారు అదుపు చేయగలిగారు. అసలేమైందంటే.. నకిలీ హిజ్రాలు రోజురోజుకు పెరిగిపోతూ, అసలు హిజ్రాల పొట్టకొడుతున్నారని వారు ఆందోళన వ్యక్తం చేశారు. కొందరు పురుషులు తమలాగా వస్త్రధారణ చేసుకొని, తమలాగా భిక్షాటన చేస్తూ పరువు తీస్తున్నారని హిజ్రాలు ఆరోపించారు.

నకిలీ హిజ్రాల ఆటకట్టించేందుకే తాము ఈ ఘటనకు పాల్పడినట్లు పలువురు హిజ్రాలు తెలిపారు. హిజ్రాలు మూకుమ్మడిగా నకిలీ హిజ్రాపై దాడి చేస్తు బహిరంగంగా బట్టలు ఊడదీసి దేహశుద్ధి చేయడాన్ని స్థానికులు కొందరు వీడియో తీస్తుండగా వీడియో తీయొద్దని బెదిరించారు. స్థానికులు పోలీసులకు సమాచారం ఇవ్వడంతో పోలీసులు అక్కడికి చేరుకొని హిజ్రాలను పోలీస్ స్టేషన్‌కు ఆటోలో తరలించారు.

ఇవి కూడా చదవండి: