అలిగి పుట్టింటికి వెళ్లిన భార్య... మనస్తాపంతో భర్త ఆత్మహత్య

భార్య గొడవ పడి పుట్టింటికి వెళ్లిందని ఓ భర్త ఆత్మహత్య చేసుకున్న ఘటన హైదరాబాద్‌లో చోటు చేసుకుది. గౌతంనగర్‌కు చెందిన సత్యనారాయణ, లక్ష్మి భార్యభర్తలు. 2017లో వీరిద్దరికీ వివాహం జరిగింది. వారికి యేడాదిన్నర బాబు ఉన్నాడు. మద్యానికి బానిసైన సత్యనారాయణ తాగి వచ్చి భార్యతో నిత్యం గొడవ పడేవాడు. ఈ నెల 26న లక్ష్మీతో గొడవ పడ్డ భర్త సత్యతనారాయణ ఆమెపై దాడి కూడా చేశాడు. భర్త తాగొచ్చి తనను కొట్టడంతో తీవ్ర ఆవేదనకు గురైన లక్ష్మీ బిడ్డను తీసుకొని పుట్టింటికి వెళ్లిపోయింది.

Read More: హైదరాబాద్‌లో సెలబ్రిటీలకు షాక్.. ప్రముఖుల వాట్సాప్ చాట్ హ్యాక్

ఎల్బీనగర్‌లో ఉంటున్న తల్లిదండ్రుల ఇంటికి వెళ్లిపోయింది. మరుసటి రోజు భర్త ఫోన్‌ చేసి ఇక మీదట కొట్టను ఇంటికి వచ్చేయాలని బతిమిలాడాడు. లక్ష్మి సరే అని చెప్పింది. అయితే ఈలోపే ఆదివారం అర్ధరాత్రి దాటిన తర్వాత సత్యనారాయణ ఇంట్లో ఉరేసుకొని ఆత్మహత్య చేసుకున్నాడు. సోమవారం ఉదయం స్థానికులు గమనించి బంజారాహిల్స్‌ పోలీసులకు ఫిర్యాదు చేశారు. పోలీసులు కేసు నమోదు చేసుకొని దర్యాప్తు చేస్తున్నారు.