జగద్గిరిగుట్టలో దారుణం.. భార్యను హత్య చేసిన భర్త

చిన్న చిన్న కారణాలకే భార్యభర్తలు హత్యలు, ఆత్మహత్యలు చేసుకున్న ఘటనలు చోటుచేసుకుంటున్నాయి. కొందరు వివాహేతర సంబంధాలతో ఒకర్నొకరు చంపుకుంటుంటే.. మరికొందరు కుటుంబ కలహాలతో హత్యలు చేసుకుంటున్నారు. అనవసరంగా జీవితాల్ని పాడు చేసుకుంటున్నారు. హైదరాబాద్‌ జగద్గిరిగుట్ట లో దారుణం చోటుచేసుకుంది. ఓ భర్త భార్యను అతి కిరాతకంగా హత్య చేశాడు. జగద్గిరిగుట్ట పియస్ పరిధిలోని రాజీవ్ గృహకల్పలో ఈ ఘటన చోటు చేసుకుంది. స్థానికంగా మారత, కిషన్ దంపతులు నివసిస్తున్నారు. గత కొన్ని రోజులుగా వీరిద్దరి మధ్య కుటుంబ కలహాల విషయంలో గొడవలు జరుగుతున్నాయి.

Read More: భర్తను చంపి.. పోలీస్ స్టేషన్‌లో లొంగిపోయిన భార్య

ఈ క్రమంలో భార్య మారతను (31 )ను భర్త కిషన్ కత్తితో పొడిచి దారుణంగా హత్య చేశాడు. అయితే కుటుంబ కలహాలే ఈ హత్యకు కారణమని తెలుస్తోంది. ఇవాళ తెల్లవారు జామున ఈ సంఘటన జరిగింది. స్థానికులు ఇచ్చిన సమాచారం మేరకు సంఘటనా స్థలానికి చేరుకున్న పోలీసులు కేసు నమోదు చేసుకొని దర్యాప్తు చేస్తున్నారు. భార్య మృతదేహాన్ని పోస్ట్ మార్టం నిమిత్తం గాంధీ హాస్పిటల్ కి తరలించారు. భర్తను అదుపులోకి తీసుకొని పోలీసుల విచారిస్తున్నారు. హత్యకు దారితీసిన కారణాలపై ఆరా తీస్తున్నారు. మరోవైపు మృతురాలి కుటంబసభ్యులు మాత్రం భర్తపై ఆరోపణలు చేస్తున్నారు.