Hyderabad Child Asks Kcr Pani Puri Amid Lockdown, Ktr Replies
KCR తాతా పానీపూరీ కావాలి.. కేటీఆర్కు ట్వీట్, మంత్రి అదిరే రిప్లై
Hyderabad Lockdown Updates: లాక్ డౌన్ వేళ ఎక్కడో ఓ చోట వలస కార్మికుల వెతలు వెలుగు చూస్తూనే ఉన్నాయి. ఇలాంటి దు:ఖ పరిస్థితుల్లో ఇవేవీ పట్టని ఓ చిన్నారి సీఎం కేసీఆర్ను కోరిన ఓ అమాయకపు కోర్కె కాస్త సరదా పుట్టించింది.
Samayam Telugu21 Apr 2020, 5:59 pm
కరోనా వైరస్ను ఓడించి దానిపై గెలిచేందుకు ప్రపంచమంతా అలుపెరగని పోరాటమే చేస్తోంది. ఇందులో భాగంగా విధించిన లాక్ డౌన్ సమయంలో వైద్యులు, పోలీసులు, ఉన్నతాధికారులు, పారిశుద్ధ్య సిబ్బంది నిరంతరం శ్రమిస్తూ ఉన్నారు. మరోవైపు, సామాన్య ప్రజానీకం, వలస కార్మికులు వారి అవస్థలు వారు పడుతున్నారు. ఎప్పుడూ తమ రోజువారి పనుల్లో బిజీగా ఉండేవారు ఉన్నట్టుండి ఇంటికే పరిమితమవుతుండడాన్ని తట్టుకోలేకపోతున్నారు. ఇక ఆయా నగరాల్లో వలస కార్మికులు, రోజువారి కూలీల పరిస్థితి మరింత దయనీయంగా ఉంటోంది. చేసేందుకు పని లేక, లాక్ డౌన్ వల్ల సొంతూరికి వెళ్లలేక ఉన్న చోటే ఇబ్బందులు పడుతున్నారు. ప్రభుత్వాలు, కొంతమంది ప్రజా ప్రతినిధులు స్పందించి వారికి నిత్యావసరాలు అందిస్తుండడం, భోజనాలు ఏర్పాటు చేస్తుండడం కొంత ఊరటనిచ్చే అంశం. అయినా ఎక్కడో ఓ చోట వలస కార్మికుల వెతలు వెలుగు చూస్తూనే ఉన్నాయి. ఇలాంటి దు:ఖ పరిస్థితుల్లో ఇవేవీ పట్టని ఓ చిన్నారి అమాయకపు కోర్కె కాస్త సరదా పుట్టించింది.
కేసీఆర్ తాతా పానీపూరీ..
హైదరాబాద్కు చెందిన వ్యక్తి జోషి సుశాల్ అనే వ్యక్తి తన కుమార్తె వీడియోను ట్విటర్లో పోస్ట్ చేశారు. మంత్రి కేటీఆర్ను కూడా ట్యాగ్ చేశారు. ఆ వీడియోలో ఆ పాప ‘కేసీఆర్ తాతా నాకు పానీపూరీ కావాల’ అని ముద్దు ముద్దు మాటలతో చెప్పింది. ఆ వీడియోను తన తండ్రి అయిన జోషి సుశాల్ అనే వ్యక్తి మంత్రి కేటీఆర్కు ట్వీట్ చేస్తూ ‘కేటీఆర్ సార్.. పానీపూరీ కావాలంట. కొంచెం కేసీఆర్ గారికి చెప్పండి మమ్మల్ని చంపేస్తోంది.’ అని ట్వీట్ చేశారు. కరోనా వల్ల లాక్ డౌన్ విధించిన వేళ ఈ చిన్నారి అమాయకపు మాటలతో ఇలా అడుగుతుండడం ప్రాధాన్యం సంతరించుకుంది. దీనికి మంత్రి కేటీఆర్ అదిరే సమాధానం ఇచ్చారు.
Twitter-joshi
కేటీఆర్ సమాధానం
ముద్దు ముద్దు మాటలతో చిన్నారి పానీపూరీ కావాలన్న మాటలపై మంత్రి కేటీఆర్ స్పందించారు. ‘సూపర్ క్యూట్’ అంటూ ముద్దులు కురిపిస్తున్న ఈమోజీని జత చేశారు. అంతేకాక, ‘ఆ చిన్నారి మీకోసం పానీపూరీ కావాలని మీ తల్లిదండ్రులను అడుగుతోందని నేను అనుకుంటున్నాను.’ అని కేటీఆర్ సరదాగా బదులిచ్చారు. ఇక, ఈ ట్వీట్పై కేవలం గంట వ్యవధిలోనే విపరీతమైన స్పందన వచ్చింది. కొద్ది నిమిషాలలోనే పదుల సంఖ్యలో రీట్వీట్లు, లైక్లు వచ్చాయి. మరోవైపు, నెటిజన్లు కూడా దీనిపై భిన్న రకాలుగా స్పందిస్తున్నారు.
Twitter-KTR
వైద్య, పారిశుద్ధ్య సిబ్బంది రెడ్ కార్పెట్పై..
కేటీఆర్ సమాధానంపై స్పందించిన ఓ నెటిజన్ ఏకంగా ఇండియా టుడే సంస్థ కరోనా వైరస్పై చేసిన ఓ వ్యంగ్య కార్టూన్ వీడియోను కామెంట్ రూపంలో ట్వీట్ చేశాడు. మరోవ్యక్తి ‘వచ్చే సంవత్సరం సినిమా సెలబ్రిటీలు, క్రీడాకారులను నేను రెడ్ కార్పెట్పై చూడాలనుకోవడం లేదు. వైద్య సిబ్బంది, పోలీసులు, పారిశుద్ధ్య కార్మికులు, ట్రక్కు డ్రైవర్లు, సరకు రవాణా సిబ్బంది, ఇతర విభాగాలకు చెందిన వారిని రెడ్ కార్పెట్పై చూడాలనుకుంటున్నాం. లాక్ డౌన్ వేళ నిరంతరం శ్రమిస్తున్న వారందరికీ ధన్యవాదాలు’’ అని అశ్విన్ అనే వ్యక్తి కామెంట్ చేశాడు.
Twitter-@shwin🔄
కేసీఆర్కు చెప్పొద్దు.. మనందరికీ తిట్లు పడతయ్
మరోవ్యక్తి స్పందిస్తూ ‘‘కేటీఆర్జీ మీరు తెలివైన వారు. ఈ సమయంలో ముఖంలో నవ్వు మర్చిపోయిన మనందరికీ ఇలాంటి క్యూట్ బేబీస్ హాస్యాన్ని పరిచయం చేస్తున్నారు. దయచేసి కేసీఆర్కు చెప్పకండి. ఎందుకంటే మనందరికీ తిట్లు పడతయ్.’’ అని రాశారు. మరికొంత మంది ఇంట్లో పానీపూరీ చేయడం నేర్చుకోవాలని స్పందించారు. ఇప్పుడు కేసీఆర్ తాత గారు పర్ఫెక్ట్గా, పటిష్ఠంగా లాక్ డౌన్ అమలు చేయిస్తున్నారు. మనం కరోనా సమస్య నుంచి బయట పడ్డాక అప్పుడు పానీపూరీ కొనిస్తారు’’ అని మరో నెటిజన్ పిల్లల భాషలో రిప్లై ఇచ్చారు.
పరాచకాలు వద్దు ప్లీజ్
చిన్నారి తండ్రి ఈ వీడియోను నిజానికి ఏప్రిల్ 15న ట్వీట్ చేశారు. అప్పటి నుంచి ఆ వీడియోపైనా కొంత మంది కామెంట్లు చేశారు. ‘విజయవాడలో పానీపూరీ బండి నిర్వహిస్తున్న ఓ వ్యక్తికి కరోనా సోకింది’ అని ఓ నెటిజన్ భయపెట్టాడు. బతికుంటే బలుసాకు తినవచ్చు గానీ, ఇలాంటి పరిస్థితుల్లో ఇలా పరాచకాలు అవసరమా అని మరో వ్యక్తి కామెంట్ చేశాడు. ‘ఇది మంచి పద్ధతి కాదు.. కనీ వినీ ఎరుగని విపత్తు కళ్ళ ముందు విలయ తాండవం చేస్తూంటే పరాచకాలు అవసరమా? నిమిషమొక యుగమై దిన దిన గండమై బిక్కు బిక్కుమంటూ గడుపుతున్న వారి వైపు చూడండి ఇలాంటి పానిపూరి పరాచికాలు వద్దు..ప్లీజ్.’’ అని మరో వ్యక్తి సీరియస్గా స్పందించాడు.
Also Read: పోలీసులపై పేద వృద్ధురాలి ప్రేమకు డీజీపీ ఫిదా, వీడియో వైరల్
Also Read: శభాష్.. మంత్రి ఈటల గారూ అండ్ టీమ్.. కేటీఆర్ ప్రత్యేక అభినందనలు
We use cookies and other tracking technologies to provide services in line with the preferences you reveal while browsing the Website to show personalize content and targeted ads, analyze site traffic, and understand where our audience is coming from in order to improve your browsing experience on our Website. By continuing to browse this Website, you consent to the use of these cookies. If you wish to object such processing, please read the instructions described in our privacy policy/cookie policy.