సదర్‌ అట్రాక్షన్‌గా సర్తాత్‌.. దున్న రాజుతో సీపీ అంజనీ కుమార్

సదర్ ఉత్సవాలతో భాగ్యనగరంలో సందడి నెలకొంది. నగరంలో జరుగుతున్న సదర్ ఉత్సవాల్లో ఈసారి దున్న రాజు ‘సర్తాజ్’ స్పెషల్ అట్రాక్షన్‌గా నిలుస్తోంది. హైదరబాద్‌లో నిర్వహిస్తున్న సదర్ ఉత్సవాల కోసం యాదవ సోదరులు హర్యానా నుంచి ఈ దున్నను ప్రత్యేకంగా తీసుకొచ్చారు. సర్తాజ్ విశేషాలను తెలుసుకునేందుకు స్వయంగా హైదరబాద్ పోలీస్ కమిషనర్ అంజనీ కుమార్ దాని దగ్గర వెళ్లారు.

ముషీరాబాద్‌లోని సత్తార్ బాగ్‌లో ఉన్న సర్తాజ్ దున్న రాజును పోలీస్ కమిషనర్ అంజనీ కుమార్ మంగళవారం (అక్టోబర్ 29) వీక్షించారు. ఆ అరుదైన దున్న రాజు ఆహారపు అలవాట్లు, ప్రత్యేకతల గురించి అడిగి తెలుసుకున్నారు. అనంతరం సర్తాజ్‌తో ఫోటోలు దిగారు.

Don't Miss: సదర్ వేడుకల్లో రాణా.. రూ.10 కోట్ల విలువ, వీర్యం ఖరీదే లక్షల్లో

అంజనీ కుమార్‌కు జంతువులంటే ప్రేమ. గుర్రాలు అంటే ఆయనకు మరింత ఇష్టం. హైదరబాద్ పోలీస్ కమిషనరేట్ పరిధిలో గుర్రాల పోషణకు ప్రత్యేక ఏర్పాట్లు కూడా చేశారు. తాజాగా ఆయన దున్న రాజు సర్తాజ్‌తో సరదాగా గడిపి తన ఆనందాన్ని పంచుకున్నారు.