వరద సాయం కోసం ఆందోళనలు.. పెట్రోల్ పోసుకొని వ్యక్తి ఆత్మహత్యాయత్నం

వరద బాధితులకు ప్రభుత్వం అందించే సహాయాన్ని తాత్కాలికంగా నిలిపివేయడంతో బాధితులు ఆందోళన బాట పట్టారు. నగరంలో పలు ప్రాంతాల్లో ప్రజలు నిరసరకు దిగారు. అంబర్‌పేట నియోజకవర్గ పరిధిలో వరద బాధితులు ఆందోళన చేపట్టారు. అంబర్ పేట ఎమ్మెల్యే కాలేరు ఇంటిముందు కిరోసిన్ పోసుకున్న చెందిన వెంకటేష్. వరద బాధితులకు ప్రభుత్వం అందించే సహాయాన్ని తాత్కాలికంగా నిలిపివేయడంతో బాదితులు ఆందోళన బాట పట్టారు. అంబర్‌పేట నియోజకవర్గ పరిధిలో వరద బాధితులు ఆందోళన చేపట్టారు. అంబర్ పేట ఎమ్మెల్యే కాలేరు ఇంటిముందు కిరోసిన్ పోసి నిప్పటించుకునే ప్రయత్నం చేశాడు. దీంతో అతడ్ని పోలీసులు, స్థానికులు అడ్డుకున్నారు.

మరోవైపు ఉప్పల్‌ జీహెచ్‌ఎంసీ కార్యాలయం ముందు పెద్ద ఎత్తున వరద బాధితులు ఆందోళనకు దిగారు. అధికార పార్టీకి చెందిన కార్యకర్తలకే డబ్బులు ఇస్తున్నారని, అసలైన బాధితులకు సాయం అందడం లేదని ఆరోపించారు. భారీగా అక్కడికి చేరుకున్న బాధితులు జీహెచ్‌ఎంసీ కార్యాలయంలోకి వెళ్లేందుకు ప్రయత్నించగా పోలీసులు వారిని అడ్డుకున్నారు. అధికార పార్టీకి చెందిన కార్పొరేటర్‌ భర్త హనుమంతరెడ్డి బాధితులకు మద్దతు తెలిపారు. వరద సాయమందించడంలోనూ వివక్ష చూపుతున్నారని బాధితులు మండిపడ్డారు.

Read More: ఆవు పొట్టలో 80 కిలోల ప్లాస్టిక్ వ్యర్థాలు.. శస్త్రచికిత్స చేసిన డాక్టర్లు
అటు జీడిమెట్లలో రాజీవ్‌గాంధీ నగర్‌ కాలనీ వాసులు సైతం ఆందోళన చేపట్టారు. రూ.10వేల సాయం అందించాలని బాలానగర్-మెదక్‌ ప్రధాన రహదారిపై బైఠాయించి ఆందోళన చేయడంతో భారీగా ట్రాఫిక్‌ స్తంభించింది. గాజులరామారంలో ఆందోళన చేపట్టిన వరద బాధితులకు మాజీ ఎమ్మెల్యే కూన శ్రీశైలం గౌడ్‌ మద్ద తెలిపారు. వరద సాయం అందలేదంటూ కూకట్‌పల్లిలో అస్టెస్టాస్‌ కాలనీ వాసులు, కర్మన్‌ఘాట్‌లో మెగా ఫంక్షన్‌ హాల్‌ వద్ద సాగర్ రహదారిపై వరద బాధితులు ధర్నా చేపట్టారు. వరద బాధితుల ఆందోళనతో భాగ్యనగరంలో పలుచోట్ల ఒక్కసారిగా ఉద్తిక్త పరిస్థితులు నెలకొన్నాయి. వరద బాధితుల కోసం తెలంగాణ ప్రభుత్వం రూ.10వేల సాయం అందిస్తున్న విషయం తెలిసిందే.