హైదరాబాద్‌ నగరంలోని చింతల్‌లో దారుణం చోటు చేసుకుంది. జీడిమెట్ల పోలీస్ స్టేషన్ పరిధిలోని సుదర్శన రెడ్డి నగర్‌లో ఓ వ్యక్తి ఒంటిపై పెట్రోల్ పోసుకొని నిప్పు అంటించుకున్నాడు. పట్టపగలు నడి వీధిలో అతడు మంటల్లో కాలిపోతుండటాన్ని గమనించిన స్థానికులు వెంటనే అప్రమత్తమై గోనె సంచులతో మంటలు ఆర్పారు. కానీ ఈలోపే అతడికి తీవ్ర గాయాలయ్యాయి. హుటాహుటిన అతణ్ని హాస్పిటల్‌కు తరలించి చికిత్స అందిస్తున్నారు. అతడి పరిస్థితి విషమంగా ఉందని తెలుస్తోంది.
పెట్రోల్ పోసుకొని నిప్పు అంటించుకున్న వ్యక్తి పేరు భువన్ సూర్యారెడ్డి అని పోలీసులు తెలిపారు. వరంగల్ జిల్లా పరకాల అతడి స్వస్థలం, చింతల్‌లో నివాసం ఉంటున్న అతడు.. రెండేళ్ల క్రితం ప్రేమ వివాహం చేసుకున్నాడు. వీరికి నాలుగు నెలల పాప ఉంది. గత కొంత కాలంగా అతడు మద్యానికి బానిస అయ్యాడు. దీంతో భార్య వెంకటేశ్వరనగర్‌లోని తన సోదరుడి ఇంటికి వెళ్లింది. శుక్రవారం మద్యం సేవించిన భువన్.. అక్కడికి వెళ్లి కాపురానికి రావాలని గొడవ చేశాడు. విడాకులు ఇస్తానని ఆమె చెప్పడంతో.. మనస్తాపానికి గురై ఈ దారుణానికి తెగబడ్డాడు.
పెట్రోల్ పోసుకొని నిప్పు అంటించుకున్న వ్యక్తి పేరు భువన్ సూర్యారెడ్డి అని పోలీసులు తెలిపారు. వరంగల్ జిల్లా పరకాల అతడి స్వస్థలం, చింతల్‌లో నివాసం ఉంటున్న అతడు.. రెండేళ్ల క్రితం ప్రేమ వివాహం చేసుకున్నాడు. వీరికి నాలుగు నెలల పాప ఉంది. గత కొంత కాలంగా అతడు మద్యానికి బానిస అయ్యాడు. దీంతో భార్య వెంకటేశ్వరనగర్‌లోని తన సోదరుడి ఇంటికి వెళ్లింది. శుక్రవారం మద్యం సేవించిన భువన్.. అక్కడికి వెళ్లి కాపురానికి రావాలని గొడవ చేశాడు. విడాకులు ఇస్తానని ఆమె చెప్పడంతో.. మనస్తాపానికి గురై ఈ దారుణానికి తెగబడ్డాడు.