చిరంజీవి ఇంటి వద్ద అభిమానుల హంగామా.. పోలీసుల భారీ భద్రత

జూబ్లీహిల్స్‌లోని మెగాస్టార్ చిరంజీవి ఇంటి వద్ద కోలాహలం నెలకొంది. ఆయన నివాసం ముట్టడికి అమరావతి జేఏసీ నేతలు వస్తున్నారన్న సమాచారం అందడంతో ఆయన అభిమానులు కూడా పెద్ద ఎత్తున ఆ ప్రాంతానికి అక్కడికి చేరుకున్నారు. అయితే, చిరంజీవి నివాసం ముట్టడికి తాము పిలుపు ఇవ్వలేదని, కొందరు కావాలనే అసత్య ప్రచారం చేస్తున్నారని అమరావతి జేఏసీ నేతలు తర్వాత స్పష్టం చేశారు. ఈ ప్రచారానికి జేఏసీకి ఎలాంటి సంబంధం లేదని వివరణ ఇచ్చారు.

జూబ్లీహిల్స్‌లోని మెగాస్టార్ చిరంజీవి ఇంటి వద్ద కోలాహలం నెలకొంది. ఆయన నివాసం ముట్టడికి అమరావతి జేఏసీ నేతలు వస్తున్నారన్న సమాచారం అందడంతో ఆయన అభిమానులు కూడా పెద్ద ఎత్తున ఆ ప్రాంతానికి అక్కడికి చేరుకున్నారు. అయితే, చిరంజీవి నివాసం ముట్టడికి తాము పిలుపు ఇవ్వలేదని, కొందరు కావాలనే అసత్య ప్రచారం చేస్తున్నారని అమరావతి జేఏసీ నేతలు తర్వాత స్పష్టం చేశారు. ఈ ప్రచారానికి జేఏసీకి ఎలాంటి సంబంధం లేదని వివరణ ఇచ్చారు.

Samayam Telugu

జేఏసీ నేతల పిలుపు అని ప్రచారం

నకిలీ వార్తలు ప్రచారం చేస్తున్న వారిపై చర్యలు తీసుకోవాలని రెండు రాష్ట్రాల పోలీసులను జేఏసీ నేతలు కోరారు. రాజధాని అమరావతికి మద్దతుగా మెగాస్టార్ చిరంజీవి స్పష్టమైన ప్రకటన చేయాలని డిమాండ్ చేస్తూ 29న ఉదయం 11 గంటలకు ఆయన నివాసం ముట్టడించాలని నిర్ణయించినట్లు అమరావతి యువ జేఏసీ పేరుతో సోషల్ మీడియాలో ప్రచారం జరిగింది. దీంతో ముందు జాగ్రత్త చర్యగా పోలీసులు ఆయన ఇంటి వద్ద బందోబస్తు ఏర్పాటు చేశారు. నివాసం దరిదాపుల్లోకి ఎవరినీ రాకుండా బారీకేడ్లను ఏర్పాటు చేశారు.

గతంలో 3 రాజధానులకే మద్దతు

మరోవైపు, చిరంజీవికి మద్దతుగా ఆయన అభిమానులు పెద్ద ఎత్తున నినాదాలు చేస్తున్నారు. మెగాస్టార్‌కు వ్యతిరేకంగా ఎవరైనా మాట్లాడితే వారి అంతు చూస్తామని హెచ్చరిస్తున్నారు. చిరంజీవి మాత్రం జగన్ ప్రభుత్వం ప్రతిపాదించిన 3 రాజధానుల ప్రకటనకు మద్దతు పలికిన సంగతి తెలిసిందే. మూడు రాజధానుల ఏర్పాటు ఆలోచనను ఆయన స్వాగతించారు. అంతేకాదు మూడు రాజధానుల ఆలోచనను అందరూ స్వాగతించాలని కోరారు. అధికార, పరిపాలన వికేంద్రీకరణతోనే అభివృద్ధి సాధ్యం అని చిరంజీవి స్పష్టం చేశారు.