సెక్స్ సామర్థ్యం పెంచుతుందని హైదరాబాద్‌లో డ్రగ్స్.. కొత్తరకం అంటూ అమ్మకాలు

హైదరాబాద్‌లో మరోసారి భారీగా డ్రగ్స్ పట్టివేత జరిగింది. ఒక ముఠా ముంబయి నుంచి డ్రగ్స్ తీసుకొచ్చి హైదరాబాదులో విక్రయిస్తున్నారు. డబ్బున్నవారిని టార్గెట్ చేసుకుని ఈ డ్రగ్స్ విక్రయాలు చేస్తున్నారు. అంతేకాకుండా ఈ ముఠా పబ్బుల్లో పరిచయాలు పెంచుకొని డ్రగ్స్ సరఫరాను చాలా విస్తరింప చేశారు. గురువారం డ్రగ్స్ విక్రయిస్తున్న వీరిని నార్త్ జోన్ టాస్క్‌ఫోర్స్ పోలీసులు పట్టుకున్నారు. మొత్తం ముగ్గురు వ్యక్తులను అరెస్టు చేసి రిమాండ్‌కు తరలించారు.

అయితే, నిందితులు ఈ డ్రగ్స్‌కు మరో రకంగా ప్రచారం కల్పిస్తూ అమ్ముతుండడం గమనార్హం. ఈ డ్రగ్స్ వాడితే సెక్స్ సామర్థ్యం పెరుగుతుందంటూ విక్రయాలు చేపట్టారు. వీరి వద్ద నుంచి 200 గ్రాముల మత్తు మందు మెఫిడ్రిన్‌ను స్వాధీనం చేసుకున్నారు. ఈ ముఠాకు ప్రముఖ హోటల్లో పనిచేసిన చెఫ్ సలీం ప్రధాన సూత్రధారి అని పోలీసులు గుర్తించారు. మరో ఇద్దరు టెలీ మార్కెటింగ్ చేస్తున్న వారితో పరిచయం చేసుకుని ఈ ముగ్గురు కలిసి పబ్బులకు వచ్చే వాళ్ళను ఆకర్షించేవారని తెలుస్తోంది. ఇలా పలు విధాలుగా పెద్ద ఎత్తున డ్రగ్స్ అమ్మకాలు జరిపారు. ముంబయి నుంచి డ్రగ్స్ తీసుకొచ్చి హైదరాబాదులో ఈ ముఠా విక్రయిస్తోంది.

Must Read: undefined