Rayala Telangana: తెలంగాణ ఉద్యమ సమయంలో 'రాయల తెలంగాణ' అంశం తెరపైకి వచ్చిన సంగతి తెలిసిందే. ఒకవేళ ఉమ్మడి రాష్ట్రాన్ని విడగొట్టాల్సి వస్తే.. రాయలసీమతో కలిపి తెలంగాణ ఏర్పాటు చేయాలని సీమ ప్రాంతానికి చెందిన పలువురు నాయకులు అప్పట్లో డిమాండ్ చేశారు. అయితే ఏపీ నుంచి తెలంగాణను విడగొట్టి జూన్ 12, 2014న ప్రత్యేక రాష్ట్రంగా ఏర్పాటు చేశారు. ఆ తర్వాత రాయల తెలంగాణ నినాదం తెరమరుగైంది.
అయితే తాజాగా.. ఈ నినాదం మరోసారి తెరపైకి వచ్చింది. రాయలసీమలోని అనంతపురం జిల్లాకు చెందిన సీనియర్ రాజకీయ నేత జేసీ దివాకర్ రెడ్డి రాయల తెలంగాణపై కీలక కామెంట్స్ చేశారు. రాయలసీమను తెలంగాణలో కలపాలని ఆయన అన్నారు. అపుడే సీమలో సాగునీటి సమస్య తీరుతుందని జేసీ తన అభిప్రాయాన్ని వ్యక్తం చేశారు. రాయలసీమను కలుపుకోవడానికి ఎవరికి అభ్యంతరం లేదని, తన వంతుగా ప్రజలను కూడగడతానని చెప్పారు.
రాష్ట్రాలు విడగొట్టడం, కొత్తగా ఏర్పాటు చేయడం కష్టం కానీ.. కలపడం సులభమేనని జేసీ దివాకర్ రెడ్డి వ్యాఖ్యానించారు. రాయలసీమను తెలంగాణలో కలుపుకోవాల్సిన అవసరం సీఎం కేసీఆర్‌కు కూడా ఉందని అన్నారు. రాయలసీమ ప్రాంతానికి చెందిన కొందరు నేతలు 'ప్రత్యేక రాయలసీమ' అంటున్నారని.. ఒకవేళ ప్రత్యేక రాయలసీమ వచ్చినా మంచిదేనని అన్నారు. అప్పర్ భద్ర ప్రాజెక్టు ఆపాల్సిన అవసరం లేదని.. దాన్ని ఆపలేమని జేసీ వ్యాఖ్యనించారు.
రాయల తెలంగాణపై జేసీ దివాకర్ రెడ్డి గతంలోనూ కీలక కామెంట్స్ చేశారు. తెలంగాణ ఆవిర్భావం తర్వాత 2017లో అసెంబ్లీ ఆవరణలో ప్రత్యత్రమైన జేసీ.. రాష్ట్ర శాసనసభ్యులతో ముచ్చటించారు. మీ దారి మీరు చూసుకున్నారని.., రాయలసీమకు నీరు అందటం లేదని తెలంగాణ నేతలతో అన్నారు. అదే రాయల తెలంగాణ ఏర్పడి ఉంటే ఇన్ని ఇబ్బందులు వచ్చేవి కాదని అన్నారు. రాయల తెలంగాణ ఏర్పాటుకు తెలంగాణకు చెందిన కొందరు రెడ్డి లీడర్లు అడ్డొచ్చారని విమర్శించారు.
అయితే తాజాగా.. ఈ నినాదం మరోసారి తెరపైకి వచ్చింది. రాయలసీమలోని అనంతపురం జిల్లాకు చెందిన సీనియర్ రాజకీయ నేత జేసీ దివాకర్ రెడ్డి రాయల తెలంగాణపై కీలక కామెంట్స్ చేశారు. రాయలసీమను తెలంగాణలో కలపాలని ఆయన అన్నారు. అపుడే సీమలో సాగునీటి సమస్య తీరుతుందని జేసీ తన అభిప్రాయాన్ని వ్యక్తం చేశారు. రాయలసీమను కలుపుకోవడానికి ఎవరికి అభ్యంతరం లేదని, తన వంతుగా ప్రజలను కూడగడతానని చెప్పారు.
రాష్ట్రాలు విడగొట్టడం, కొత్తగా ఏర్పాటు చేయడం కష్టం కానీ.. కలపడం సులభమేనని జేసీ దివాకర్ రెడ్డి వ్యాఖ్యానించారు. రాయలసీమను తెలంగాణలో కలుపుకోవాల్సిన అవసరం సీఎం కేసీఆర్‌కు కూడా ఉందని అన్నారు. రాయలసీమ ప్రాంతానికి చెందిన కొందరు నేతలు 'ప్రత్యేక రాయలసీమ' అంటున్నారని.. ఒకవేళ ప్రత్యేక రాయలసీమ వచ్చినా మంచిదేనని అన్నారు. అప్పర్ భద్ర ప్రాజెక్టు ఆపాల్సిన అవసరం లేదని.. దాన్ని ఆపలేమని జేసీ వ్యాఖ్యనించారు.
రాయల తెలంగాణపై జేసీ దివాకర్ రెడ్డి గతంలోనూ కీలక కామెంట్స్ చేశారు. తెలంగాణ ఆవిర్భావం తర్వాత 2017లో అసెంబ్లీ ఆవరణలో ప్రత్యత్రమైన జేసీ.. రాష్ట్ర శాసనసభ్యులతో ముచ్చటించారు. మీ దారి మీరు చూసుకున్నారని.., రాయలసీమకు నీరు అందటం లేదని తెలంగాణ నేతలతో అన్నారు. అదే రాయల తెలంగాణ ఏర్పడి ఉంటే ఇన్ని ఇబ్బందులు వచ్చేవి కాదని అన్నారు. రాయల తెలంగాణ ఏర్పాటుకు తెలంగాణకు చెందిన కొందరు రెడ్డి లీడర్లు అడ్డొచ్చారని విమర్శించారు.
- Read More Telangana News And Telugu News