యాప్నగరం

Nizamabad Bypoll 2020: నేడే నిజామాబాద్ ఎమ్మెల్సీ ఫలితం.. నాంపల్లి దర్గాలో కవిత ప్రత్యేక ప్రార్థనలు

మరికొన్ని గంటల్లో ఎమ్మెల్సీ ఎన్నిక ఫలితం రానుంది. కేవలం రెండుగంటల్లోనే రిజల్ట్ రానుంది. టీఆర్ఎస్ నుంచి సీఎం కూతురు, మాజీ ఎంపీ కవిత పోటీ చేస్తున్న విషయం తెలిసిందే.

Samayam Telugu 12 Oct 2020, 8:14 am
ఇవాళ నిజామాబాద్ ఎమ్మెల్సీ ఎన్నిక ఫలితం రానుంది. మరికొన్ని గంటల్లో స్థానిక సంస్థల ఎమ్మెల్సీ ఎవరో తేలిపోనుంది. ఉదయం 8 గంటలకు కౌంటింగ్ మొదలుకానుంది. రెండు గంటల్లోనే ఫలితం వెలువడనుంది. నగరంలోని పాలిటెక్నిక్ కాలేజీలో కౌంటింగ్‌కు అన్ని ఏర్పాట్లు చేశారు అధికారులు. రెండు రౌండ్లలో కౌంటింగ్ పక్రియ పూర్తి చేయనున్నారు. ఈ ఎన్నికల్లో TRS తరపున మాజీ ఎంపీ కవిత, కాంగ్రెస్‌ తరపున సుభాష్‌రెడ్డి, బీజేపీ నుంచి లక్ష్మీనారాయణ పోటీపడ్డారు.
Samayam Telugu కె. కవిత
kavitha


అయితే పోలింగ్ ఏకపక్షంగా జరగడంతో ఎమ్మెల్సీగా కవిత ఎన్నిక లాంఛనంగా మారడంతో టీఆర్ఎస్ శ్రేణులు సంబరాలకు రెడీ అవుతున్నాయి. కౌంటింగ్‌కు ఆరు టేబుళ్లు ఏర్పాటు చేశారు. ప్రతీ టేబుల్ కు ముగ్గురు సిబ్బందిని నియమించారు. మొదట పోస్టల్‌ బ్యాలెట్‌ను లెక్కిస్తారు. ఆ తర్వాత బ్యాలెట్‌ ద్వారా పోలైన ఓట్లను ఒక్కచోట కుప్పగా పోసి.. 25 ఓట్లకు ఓ కట్టగా కట్టి లెక్కిస్తారు. నిజామాబాద్ స్ధానిక సంస్ధల ఎమ్మెల్సీ ఉప ఎన్నికల్లో మొత్తం 824 ఓట్లు ఉండగా. 821 మంది ఓటు వేశారు. ఇద్దరు పోస్టల్‌ బ్యాలెట్ ఉపయోగించుకున్నారు. 99.87 శాతం పోలింగ్ నమోదైంది.

Read More: Hydలో టీఆర్ఎస్-కాంగ్రెస్ నేతల మధ్య ఘర్షణ.. పరస్ఫర తోపులాటలు

ఎమ్మెల్సీ ఎన్నిక ఫలితం రానుండటంతో తెలంగాణ జాగతి అధ్యక్షురాలు, మాజీ ఎంపీ కల్వకుంట్ల కవిత నాంపల్లిలోని యుసిఫియన్‌ దర్గాను సందర్శించారు. ఆదివారం దర్గాను సందర్శించిన కవిత చాదర్‌ సమర్పించారు. ఈ సందర్భంగా దర్గాలో ప్రత్యేక ప్రార్థనలు చేశారు. సోమవారం నిజామాబాద్‌ స్థానిక సంస్థల ఎన్నికల ఫలితాలు వెలువడతున్న నేపథ్యంలో కవిత దర్గాను సందర్శించి ప్రత్యేక ప్రార్థనలు చేశారు.

తరవాత కథనం

Telugu News App: ఏపీ, తెలంగాణకు సంబంధించిన లేటెస్ట్ అప్‌డేట్స్‌, జాతీయ, అంతర్జాతీయ, ఎడ్యుకేషన్, బిజినెస్, సినిమా, ఆధ్యాత్మికం, స్పోర్ట్స్, వైరల్ కథనాల కోసం తెలుగు సమయం యాప్‌ను డౌన్‌లోడ్ చేసుకోండి.
తాజా వార్తల అప్డేట్ల కోసం Samayam Telugu ఫేస్‌బుక్పేజీను లైక్ చెయ్యండి.