ఎమ్మెల్సీ కల్వకుంట్ల కవిత, సీఎం కేసీఆర్ సతీమణి శోభ, ఇతర కుటుంబ సభ్యులు ఉత్తర ప్రదేశ్‌లోని వారణాసిని సందర్శించారు. గురువారం పలు దేవాలయాలను దర్శించుకొని, ప్రత్యేక పూజలు చేశారు. గంగా హారతి కూడా నిర్వహించారు. గురువారం ఉదయం ఎమ్మెల్సీ కవిత, శోభ, ఇతర కుటుంబ సభ్యులు శంషాబాద్ విమానాశ్రయం నుంచి వారణాసికి బయలుదేరారు. వారణాసిలో ముందుగా అస్సి ఘాట్‌కు చేరుకున్నారు. అక్కడి నుండి దశాశ్వమేధ ఘాట్ వరకు పడవలో ప్రయాణిస్తూ, బోటు నడిపే వారితో ఎమ్మెల్సీ కవిత కాసేపు ముచ్చటించారు. దశాశ్వమేధ ఘాట్‌లో గంగా నదికి హారతి ఇచ్చిన ఎమ్మెల్సీ కవిత, గంగా పూజ నిర్వహించారు.
సాయంత్రం ప్రాచీన సంకట్ మోచన్ మందిరాన్ని దర్శించుకొని, పట్టు వస్త్రాలు సమర్పించారు. మహంత్ తులసీదాస్ నిర్మించిన సంకట్ మోచన్ హనుమాన్ దేవాలయం ఎంతో ప్రసిద్ధి గాంచింది. శ్రీరాముడు, రామభక్తుడైన హనుమంతుడు ఎదురెదురుగా ఉండటం ఈ ఆలయ ప్రత్యేకత. ఆలయ ప్రధాన పూజారి మహంత్ డా.విశ్వంభర నాథ్ మిశ్రా, ఎమ్మెల్సీ కవిత, శోభతో ప్రత్యేక పూజలు చేయించారు. ప్రజలంతా సుఖ సంతోషాలతో ఉండాలని ఎమ్మెల్సీ కవిత భగవంతుని ప్రార్థించారు.
సాయంత్రం ప్రాచీన సంకట్ మోచన్ మందిరాన్ని దర్శించుకొని, పట్టు వస్త్రాలు సమర్పించారు. మహంత్ తులసీదాస్ నిర్మించిన సంకట్ మోచన్ హనుమాన్ దేవాలయం ఎంతో ప్రసిద్ధి గాంచింది. శ్రీరాముడు, రామభక్తుడైన హనుమంతుడు ఎదురెదురుగా ఉండటం ఈ ఆలయ ప్రత్యేకత. ఆలయ ప్రధాన పూజారి మహంత్ డా.విశ్వంభర నాథ్ మిశ్రా, ఎమ్మెల్సీ కవిత, శోభతో ప్రత్యేక పూజలు చేయించారు. ప్రజలంతా సుఖ సంతోషాలతో ఉండాలని ఎమ్మెల్సీ కవిత భగవంతుని ప్రార్థించారు.