నేను ఏ తప్పు చేయలేదు..చివరి వీడియో కాల్‌లో కీసర ఎమ్మార్వో నాగరాజు

కీసర్ ఎమ్మార్వో నాగరాజు చివరిసారి వీడియో కాల్ చేసి కుటుంబసభ్యులతో మాట్లాడాడు ఆ వీడియో ఇప్పుడు వెలుగులోకి వచ్చింది. భూ వివాదం కేసులో కీసరగుట్ట ఎమ్మార్వో నాగరాజు కోటి 10 లక్షలు తీసుకుంటూ ఏసీబీ అధికారులకు రెడ్ హ్యాండెడ్ గా పట్టుబడిన విషయం తెలిసిందే. ఈ కేసులో నాగరాజు తో పాటు మరికొంత మందిని ఏసీబీ అధికారులు అరెస్టు చేశారు కొందరికి బెయిల్ మంజూరు కాగా నాగరాజు కు బెయిల్ మంజూరు కాలేదు దీంతో హైదరాబాద్‌లోని చంచల్ గూడ జైల్లో ఉన్న నాగరాజు ఆత్మహత్యకు పాల్పడ్డారు. అయితే చివరి సారిగా చనిపోడానికి ముందు కుటుబంతో ఎమ్మార్వో నాగరాజు వీడియో కాల్ మాట్లాడారు.

Read More: హైదరాబాద్‌లో మరోసారి భారీ శబ్ధాలు.. భయంతో జనం పరుగులు

రెండవ కేసులో ఎమ్మార్వో నాగరాజు ఏసీబీ అధికారులు కస్టడికి తీసుకోడానికి ముందు కేసు విషయంలో సంభాషణలు కొనసాగింది. నేను ఏతప్పు చేయలేదు ప్రాపర్ గానే ఉన్నాయి అని నాగరాజు చెపుతున్నారు. అవన్ని రికార్డ్స్ పరిశీలించే చేశామని, ఫాబ్రికేట్ సర్టిఫికెట్స్ కావు వెరిఫై చేసే మరీ చేశామని ఎమ్మార్వో నాగరాజు వీడియోలో చెప్పారు. న్యాయవాదికి చెప్పి కోర్టులో తెలపాలని కుటుంబానికి విన్నపం చేశారు. బెయిల్ పై బయటకు వచ్చాక కోర్టులో చూద్దామని కుటుంబ సభ్యులు నాగరాజుకు చెప్పారు. నాగరాజు చనిపోయాక బయటకు వచ్చిన ఈ వీడియో ఇప్పుడు చర్చనీయాంశంగా మారింది.

Read More: వీడియో: కాంగ్రెస్ ఎంపీ రేవంత్ రెడ్డి కాలికి గాయం
మరోవైపు నాగరాజు మరణంపై ఆయన కుటుంబసభ్యులు సంచలన ఆరోపణలు చేస్తున్నారు. ఈనెల 14న చంచల్‌గూడ జైల్లో టవల్‌తో ఉరివేసుకున్న విషయం తెలిసిందే. నాగరాజు ఆత్మహత్యపై కస్టోడియల్‌ డెత్‌గా కేసుగా నమోదు చేసుకుని పోలీసులు దర్యాప్తు చేపట్టారు. ఈ నేపథ్యంలో ఆయన కుటుంబ సభ్యులు సైతం సంచలన వ్యాఖ్యలు చేస్తూ పలు అనుమానాలు వ్యక్తం చేశారు. జైల్లో ఆయన టవల్‌తో ఎలా ఆత్మహత్య చేసుకుంటారన్నారు. పక్కనే ముగ్గురు ఖైదీలు ఉండగా నాగరాజు ఎలా ఆత్మహత్య చేసుకోగలరని అనుమానాలు వ్యక్తం చేశారు. ఇది ఆత్మహత్య కాదు ముమ్మాటికీ హత్యనని, సీబీఐ విచారణ కోరుతు హైకోర్టులో పిటీషన్ వేస్తామన్నారు.