GHMC | జీహెచ్‌ఎంసీకి కొత్త కమిషనర్ను నియమించారు. దాన కిషోర్‌ను జల మండలికి బదిలీ చేస్తూ ప్రభుత్వం ఉత్తర్వులు జారీ చేసింది. రంగారెడ్డి కలెక్టర్‌గా ఉన్న లోకేశ్ కుమార్‌కు కీలక బాధ్యతలు అప్పగించింది.
Samayam Telugu26 Aug 2019, 8:01 pm
గ్రేటర్ హైదరాబాద్ మహా నగర పాలక సంస్థ (జీహెచ్‌ఎంసీ)కి కొత్త కమిషనర్ను నియమిస్తూ తెలంగాణ ప్రభుత్వం ఉత్తర్వులు జారీ చేసింది. ప్రస్తుతం జీహెచ్‌ఎంసీ కమిషనర్‌గా ఉన్న దాన కిషోర్‌ను ప్రభుత్వం బదిలీ చేసింది. ఆయన స్థానంలో రంగారెడ్డి కలెక్టర్‌ లోకేశ్ కుమార్‌ను నియమిస్తున్నట్లు సోమవారం (ఆగస్టు 26) విడుదల చేసిన ఉత్తర్వుల్లో పేర్కొన్నారు. రంగారెడ్డి జాయింట్ కలెక్టర్‌గా ఉన్న హరీశ్‌కు కలెక్టర్‌గా అదనపు బాధ్యతలు అప్పగిస్తూ ఉత్తర్వులు ఇచ్చారు.
Samayam Telugu
దాన కిషోర్ ప్రస్తుతం జీహెచ్‌ఎంసీ కమిషనర్‌తో పాటు, జలమండలి ఎండీగా బాధ్యతలు నిర్వహిస్తున్న విషయం తెలిసిందే. ఇకపై ఆయన జలమండలి ఎండీగా మాత్రమే కొనసాగనున్నారు. దాన కిషోర్ ఏడాది కాలంగా జీహెచ్‌ఎంసీ కమిషనర్‌గా సేవలు అందించారు. గతేడాది జీహెచ్‌ఎంసీ కమిషనర్ జనార్ధన్ రెడ్డిని బదిలీ చేసి దాన కిషోర్‌కు ఆ బాధ్యతలు అందించారు.
We use cookies and other tracking technologies to provide services in line with the preferences you reveal while browsing the Website to show personalize content and targeted ads, analyze site traffic, and understand where our audience is coming from in order to improve your browsing experience on our Website. By continuing to browse this Website, you consent to the use of these cookies. If you wish to object such processing, please read the instructions described in our privacy policy/cookie policy.
