కరోనా రోగికి శస్త్ర చికిత్స చేసిన మాదాపూర్ మెడికవర్ ఆస్పత్రి

తెలంగాణలో తొలిసారిగా కరోనా వచ్చిన వ్యక్తికి ఆపరేషన్ నిర్వహించారు. మాదాపూర్‌లోని మెడికవర్‌ ఆస్పత్రి వైద్యులు కొవిడ్‌ వచ్చిన వ్యక్తికి శస్త్రచికిత్స చేశారు. ఆస్పత్రి కార్డియో థొరాసిక్‌ వాస్క్యులర్‌ సర్జన్‌ డాక్టర్‌ ప్రమోద్‌కుమార్‌రెడ్డి శస్త్రచికిత్స వివరాలను ఆదివారం వెల్లడించారు. రంగారెడ్డి జిల్లాకు చెందిన ఓ వ్యక్తి తీవ్రంగా ఛాతినొప్పి వస్తోందని ఈ నెల మొదటివారం ఆస్పత్రికి వచ్చాడు.
మొదటిగా కొవిడ్‌ పరీక్షలు చేయగా పాజిటివ్‌ వచ్చింది. దీంతో యువకుడికి బ్యాక్టీరియా ఇన్ఫెక్షన్‌ కారణంగా సమస్య జఠిలంగా మారి, ఛాతిలో నొప్పి వచ్చింది.

దీంతో తప్పనిసరిగా అతనికి డికార్టికేషన్‌ చేయాల్సి వచ్చిందని డాక్టర్ వివరించారు. అనంతరం కొవిడ్‌-19ను తగ్గించడానికి యాంటీవైరల్‌ మందులు, చీము మళ్లీ చేరకుండా ఉండేందుకు యాంటీబ్యాక్టీరియల్‌ మందులు ఉపయోగించామన్నారు. రోగిని డిశ్చార్జ్‌ కూడా చేశామని పేర్కొన్నారు. ప్రస్తుతం అతను రోజు వారీ పనులు సాధారణంగా చేసుకుంటున్నాడని తెలిపారు. ఇప్పటివరకు కరోనా సోకిన వారికి ఇతర చికిత్సలు చేసిన సందర్భాలు లేవు. కరోనా నెగెటివ్ అని వచ్చాక.. డాక్టర్లు వారికి ఇతర వ్యాధులకు, సమస్యలకు చికిత్స అందిస్తున్నారు.

Read More: కల్లు తాగితో 15 రోగాలు మాయం: మంత్రి శ్రీనివాస్ గౌడ్

బాధితుడు రంగారెడ్డి జిల్లాకు చెందిన ప్రేమ కుమార్‌గా తెలుస్తోంది. అతడి వయసు 17 ఏళ్లు. ఆగష్టు మొదటి వారంలో ప్రేమ్ కుమార్ ఆస్పత్రిలో చేరాడు. అతడి లంగ్స్‌లో బ్యాక్టీరియల్ ఇన్ ఫెక్షన్ ఎక్కువ కావడంతో అతనికి శస్త్ర చికిత్స నిర్వహించారు. అనంతరం యాంటీబాడీస్ కూడా పెరగడం, కరోనా తగ్గడంతో ప్రేమ్ కుమార్ ఆస్పత్రి నుంచి డిశ్చార్జ్ అయి ఇంటికి కూడా క్షేమంగా వెళ్లినట్లు మెడికవర్ వైద్యులు తెలిపారు.