Mahendra Hills Colony President Files A Complaint On Corona Positive Teche Family
కరోనా బాధితుడి కుటుంబ సభ్యులపై పోలీసులకు ఫిర్యాదులు
Mahendra Hills: యువకుడికి కరోనా పాజిటివ్‌గా తేలాక, అతని కుటుంబ సభ్యులను కూడా పిలిపించి గాంధీలో కరోనా పరీక్షలు నిర్వహించారు. వారికి కరోనా నెగటివ్ అని తేలడంతో వైద్యులు ఇంటికి పంపించేశారు.
Samayam Telugu5 Mar 2020, 5:09 pm
సికింద్రాబాద్ గాంధీ ఆస్పత్రిలో కరోనా పాజిటివ్‌గా తేలి చికిత్స పొందుతున్న సాఫ్ట్‌వేర్ ఇంజినీర్ కుటుంబంపై ఫిర్యాదులు నమోదయ్యాయి. వారు నివాసం ఉంటున్న మహేంద్ర హిల్స్‌లో కాలనీ అధ్యక్షుడే వారిపై పోలీసులకు, అధికారులకు ఫిర్యాదు చేశారు. యువకుడికి కరోనా పాజిటివ్‌గా తేలాక, అతని కుటుంబ సభ్యులను కూడా పిలిపించి గాంధీలో కరోనా పరీక్షలు నిర్వహించారు. వారికి కరోనా నెగటివ్ అని తేలడంతో వైద్యులు ఇంటికి పంపించేశారు. ఎవరినీ కలవొద్దని, కేవలం ఇంట్లో మాత్రమే ఉండాలని వైద్యులు, అధికారులు వారికి సూచించారు.
అయితే, కరోనా వైరస్ బాధితుడి కుటుంబ సభ్యులు ఎవరితోనూ కలవవద్దని వైద్యులు సూచించినా వినడంలేదని, ఆ కాలనీ కోపరేటివ్ హౌసింగ్ సొసైటీ అధ్యక్షుడు సంజీవరెడ్డి గురువారం అధికారులకు ఫిర్యాదు చేశారు. ఆ కుటుంబ సభ్యుల పక్కింట్లోని వ్యక్తి, వారితో కలిసి ఆసుపత్రికి వెళ్లి బాధితుడిని కలిసి తిరిగి ఇంటికి వస్తున్నారని ఫిర్యాదులో పేర్కొన్నారు. అంతేకాక వారు మరికొందరి ఇళ్లకు వెళ్తున్నారని, బయట సంచరిస్తున్నారని చెప్పారు.
వారి ద్వారా కాలనీలో ఇంకెవరికైనా కరోనావైరస్ సోకే ప్రమాదం తలెత్తవచ్చని కాలనీ అధ్యక్షుడు ఫిర్యాదులో పేర్కొన్నారు. ఇకనైనా బాధితుడి కుటుంబసభ్యులు ఇతరులతో కలవకుండా చూడాలని కోరారు. ఈ మేరకు ఆయన కంటోన్మెంట్ సీఈవోకు, పోలీసులకు గురువారం ఫిర్యాదు చేశారు.
We use cookies and other tracking technologies to provide services in line with the preferences you reveal while browsing the Website to show personalize content and targeted ads, analyze site traffic, and understand where our audience is coming from in order to improve your browsing experience on our Website. By continuing to browse this Website, you consent to the use of these cookies. If you wish to object such processing, please read the instructions described in our privacy policy/cookie policy.
