కేసీఆర్, హోంమినిస్టర్‌పై అసభ్యకర పోస్టు.. కేసు నమోదు

సోషల్ మీడియాలో ఎవరూ హద్దులు దాటిన చర్యలు తప్పవని హెచ్చరిస్తున్నారు పోలీసులు. అసభ్యకర పోస్టులు పెడితే.. కేసులు పెడతామని వార్నింగ్ ఇస్తున్నారు. తాజాగా సీఎం, హోంమినిస్టర్‌పై అసభ్యకర వ్యాఖ్యలు చేసిన వ్యక్తిపై హైదరాబాద్ సైబర్ క్రైం పోలీసులు కేసు నమోదు చేశారు. తెలంగాణ సీఎం కేసీఆర్, హోంమంత్రి మహమూద్ అలీపై ఓ వ్యక్తి అసభ్యకర రీతిలో సోషల్ మీడియాలో వ్యాఖ్లయు చేశారు.

కిషన్‌బాగ్‌కు చెందిన హకీం సుఫీషా కైరుద్దీన్‌పై, సయీద్ లాయక్ అలీ ఇచ్చిన ఫిర్యాదు పోలీసులు కేసు నమోదు చేశారు. ఈ మేరకు దర్యాప్తు చేసి చర్యలు చేపట్టినట్లు పోలీసులు వెల్లడించారు. కైరుద్దీన్ సోషల్ మీడియా ప్లాట్‌ఫాంల ద్వారా సీఎం కేసీఆర్‌, హోంమంత్రి మహమూద్ అలీపై అసభ్యకరంగా వ్యాఖ్యలు చేస్తూ వీడియోలు పోస్టు చేశాడని ఫిర్యాదులో పేర్కొన్నారు.

ఫిర్యాదు అనంతరం దర్యాప్తు చేసిన పోలీసులు కైరుద్దీన్‌పై ఐపీసీ సెక్షన్ 504 కింద కేసు నమోదు చేశారు. గత కొన్ని రోజులుగా సీఎం కేసీఆర్, హోంమంత్రిపై కైరుద్దీన్ సోషల్ మీడియాలో అనుచిత వ్యాఖ్యలు చేస్తూ పోస్టులు పెడుతున్నట్లు పోలీసులు తెలిపారు.