రవీంద్ర భారతి వద్ద కలకలం.. పెట్రోల్ పోసుకొని నిప్పంటించుకున్న వ్యక్తి.. వీడియో

హైదరాబాద్ రవీంద్ర భారతి సమీపంలోని కమాత్ హోటల్ వద్ద ఓ వ్యక్తి ఆత్మహత్యయత్నం కలకలం రేపింది. తెలంగాణ వచ్చిన తరువాత తనకు ఎలాంటి న్యాయం జరగలేదని ఆరుచుకుంటు పెట్రోల్ పోసుకొని ఓ వ్యక్తి నిప్పంటించుకున్నాడు. వెంటనే అతడ్ని గుర్తించిన స్థానికులు పోలీసులు మంటల్ని ఆర్పివేసి ఆస్పత్రికి తరలించారు. స్థానికులు చెబుతున్న వివరాల ప్రకారం ఆత్మహత్యాయత్నానికి పాల్పడిన వ్యక్తి జై తెలంగాణ, కేసీఆర్ సారు అంటూ పెద్దగా అరుపులు పెట్టాడు. జై తెలంగాణ అంటూ నినాదాలు చేశాడు.

Read More: తెలంగాణ వాసులకు షాక్.. లక్షణాలు లేని కరోనా కేసులు లక్షకు పైనే

.ఆత్మహత్యత్నం చేసుకున్న వ్యక్తి నాగులుగా గుర్తించారు. అతని తండ్రి పేరు రాములు. కడ్తల్ గ్రామానికి చెందిన వ్యక్తి. జై తెలంగాణ అని నినాదం ఇచ్చిన వ్యక్తి..నిప్పంటించుకున్న వెంటనే పోలీసులు మంటలు ఆర్పేశారు. అయితే పోలీసులతో తనకు బతకడానికి పని లేదంటూ ఆయన అరిచి చెప్పాడు. సగం శరీరం కాలినట్టు ప్రత్యక్ష సాక్షులు చెబుతున్నారు. వెంటనే బాధితుడ్ని ఆటోలో ఉస్మానియా ఆస్పత్రికి తరలించారు. ప్రస్తుతం అతడికి చికిత్స అందిస్తున్నారు.