1.12 కోట్ల లంచం: మెదక్ అడిషనల్ కలెక్టర్ ఆడియో టేప్ లీక్.. బాధితుడికి బెదిరింపులు!

మెదక్‌ జిల్లా అదనపు కలెక్టర్‌ నగేష్‌ లంచం తీసుకున్న వ్యవహారంలో ఏసీబీ అధికారుల విచారణ కొనసాగుతోంది. ఈ విచారణలో మెల్లగా ఆయన అక్రమాలు బయటికి వస్తున్నాయి. ముఖ్యంగా ఈ కేసులో అదనపు కలెక్టర్‌ సహా ఈ లంచంతో సంబంధం ఉన్న కొంత మంది రెవెన్యూ సిబ్బంది అరెస్టుకు రంగం సిద్ధం అవుతోంది. ఈ కేసులో అడిషనల్‌ కలెక్టర్‌ మొదలు వీఆర్‌వో వరకూ అధికారులకు సంబంధం ఉన్నట్లు ఏసీబీ అధికారులు గుర్తించారు. 112 ఎకరాల భూ వివాదానికి సంబంధించి అడిషనల్‌ కలెక్టర్‌ నగేష్‌ రూ.40 లక్షలు లంచం తీసుకుంటూ ఏసీబీకి దొరికిపోయిన విషయం తెలిసిందే. మొత్తం ఆయన రూ.1.12 కోట్లకు ఒప్పందం కుదుర్చుకున్నట్లు అధికారులు చెప్పారు.

ఆయన పట్టుబడ్డ అనంతరం మొత్తం 12 చోట్ల ఏసీబీ అధికారులు సోదాలు చేస్తున్నారు. అయితే, తాజాగా ఈ వ్యవహారానికి సంబంధించి ఆడియో టేప్‌ కూడా బయటపడింది. ఆడియోలో బాధితుడిని అదనపు కలెక్టర్ నగేష్‌ లంచం డిమాండ్‌ చేశారు. అంతేకాక, లంచం ఎంత అడిగానో తనకు గుర్తుందని చెప్పడం గమనార్హం. మరోవైపు ఆర్డీవో అరుణారెడ్డి నివాసంలోనూ ఏసీబీ సోదాలు జరిగాయి. ఆమె ఇంట్లో పెద్ద ఎత్తున నగలు, నగదును అధికారులు గుర్తించారు.

Also Read: ఇక Cast, Income సర్టిఫికెట్ల జారీ అతి సులువు.. ఎలాగంటే..: కేసీఆర్

బాధితుడితో అదనపు కలెక్టర్ ఆడియో టేప్
అదనపు కలెక్టర్: మీరు ఎంత ఇవ్వాలనుకుంటున్నారు ఫైనల్‌గా, మీకు ఏమైనా క్లారిటీ ఉందా.. మీకు క్లారిటీ ఉందా లేదా అనేది కూడా నాకు అర్థం కావడం లేదు
బాధితుడు: నాకు క్లారిటీ ఉంది సార్
అ. కలెక్టర్: మొదటగా 25 లక్షలు ఇస్తాం అన్నారు. ఆ తర్వాత 19.5 లక్షలు ఇచ్చారు. మీరు డబ్బులు ఎవరెవరికి ఇచ్చారు.
బాధితుడు: వసీంకు రూ.5 లక్షలు ఇచ్చాను, ముందు రూ.2 లక్షలు, ఆ తర్వాత రూ.3 లక్షలు ఇచ్చాను.
అ. కలెక్టర్: నేను రూ.2 లక్షలు చెప్పాను కదా, నాకు చెప్పాలి కదా
బాధితుడు: మీకు వసీం కాల్ చేశానని చెప్పాడు, అందుకే ఇచ్చాను సర్
అ. కలెక్టర్: ఎవరికీ ఏమి ఇచ్చినా ప్రతిదీ నాకు చెప్పాలి కదా.. ఐదు లక్షలు ఇవ్వాల్సిన అవసరం లేదు

Must Read: undefined