ఎంఈవో, ఎంపీడీవో ఘర్షణ.. హోదా మరిచి, చొక్కాలు చింపుకొని..

వారిద్దరూ బాధ్యతాయుత స్థానాల్లో ఉన్న ప్రభుత్వ ఉద్యోగులు. వ్యక్తిగతంగా ఉన్న మనస్పర్థలు పెరిగిపోయి తాము ఉన్న హోదాను మరిచి ఏకంగా కొట్టుకున్నారు. వీరిలో ఒకరు మండల పరిపాలన పర్యవేక్షించే ఎంపీడీవో కాగా, మరోకరు ఎంఈవో (మండల విద్యాధికారి). వీరి మధ్య ఎప్పటి నుంచో ఉన్న వ్యక్తిగత విభేదాలు సోమవారం తారస్థాయికి చేరాయి. గట్టిగా విమర్శలు చేసుకుంటూ ఎంపీపీ కార్యాలయంలోనే ఎంపీపీ సాక్షిగా పరస్పర దాడులు చేసుకున్నారు. ఈ ఘటన మహబూబ్‌నగర్ జిల్లా చిన్న చింతకుంట మండలంలో చోటుచేసుకుంది.

మండల విద్యాధికారిగా (ఎంఈవో) లక్ష్మణ్‌సింగ్‌ విధులు నిర్వహిస్తున్నారు. ఇటీవలే ఇతనికి కోయిల్‌కొండ విద్యాధికారిగా కూడా అదనపు బాధ్యతలు అప్పగించారు. అయితే, చిన్నచింతకుంట మండలంలో సరిగ్గా బాధ్యతలు నిర్వహించడం లేదని ఎంపీపీ హర్షవర్ధన్‌కు ఎంపీడీఓ ఫిర్యాదు చేశారు. ఈ క్రమంలోనే ఎంపీపీ హర్షవర్థన్ ఎంపీడీఓ ఫయాజుద్దీన్‌ను, ఎంఈఓలను తన ఛాంబర్‌లోకి పిలిపించారు. ఇద్దరూ ఎంపీపీ ముందు ఒకరిపై మరొకరు ఆరోపణలు చేసుకుంటూ చేయి చేసుకున్నారు. తనను కులంపేరుతో దూషిస్తూ దాడి చేశాడని ఎంపీడీఓపై ఎంఈఓ లక్ష్మణ్‌సింగ్‌ పోలీస్‌స్టేషన్‌లో ఫిర్యాదు చేశారు.

Must Read: కరోనాపై సమీక్షకు సీఎస్‌, అధికారులకు గవర్నర్ పిలుపు.. షాకింగ్ సమాధానం

ఎంపీడీఓ వివరణ ఇదీ..
ఎంఈఓ లక్ష్మణ్‌సింగ్‌ జూలై నెల మూమెంట్‌ రిజిస్టర్‌లో ముందస్తుగా మూమెంట్‌ రాసుకున్నారని ఎంపీడీవో ఆరోపించారు. ఇది సరికాదని ఎంపీపీ హర్షవర్ధన్‌రెడ్డి పిలిపించి అడగారని అన్నారు. ఇబ్బందిగా ఫీలైన ఎంఈఓ తనపై దురుసుగా మాట్లాడారని తెలిపారు. అంతేతప్ప ఇద్దరి మధ్య ఎలాంటి గొడవ జరగలేదన్నారు. మరోవైపు, ఎంఈఓ దాడిపై ఉపాధ్యాయ సంఘాలు తీవ్రంగా ఖండించాయి. అధికారిపై చర్యలు తీసుకోవాలని డిమాండ్‌ చేశాయి.

Also Read: undefined