బయోడైవర్శిటీ ఫ్లైఓవర్ నుంచి ఊడిపడ్డ ఐరన్ రాడ్

హైదరాబాద్‌లో బయోడైవర్శిటీ ఫ్లైఓవర్ మరోసారి వార్తాల్లో నిలిచింది. నగరంలోని ఐటీ కారిడార్ బయోడైవర్శిటీ జంక్షన్ వద్ద నిర్మించిన ఫ్లైఓవర్ కింది భాగంలోని చానల్‌ ఇనుపకడ్డీ సోమవారం ఊడి కిందున్న మరో ప్లైఓవర్‌పై పడింది. ఈ సమయంలో వాహనాల రాకపోకలు ఎక్కువగా లేకపోవడంతో పెను ప్రమాదం తప్పింది. ఈ దారిలో వెళ్తున్న ఓ వాహనదారుడు ఫొటో తీసి సోషల్‌మీడియాలో పోస్టు చేయడంతో ఇది వైరల్‌గా మారింది. కొద్దిరోజులుగా కురుస్తున్న భారీ వర్షాల కారణంగానే ఈ ప్రమాదం జరిగి ఉండొచ్చని అధికారులు భావిస్తున్నారు.

నగరంలో కురుస్తున్న భారీ వర్షాలతో ఇప్పటికే మూసాపేట మెట్రో స్టేషన్ వద్ద రోడ్డు కుంగిపోయింది. మెట్రో పిల్లర్ వద్ద ఉన్న రోడ్డు అంతా కుంగిపోయింది. దీంతో అటుగా వెళ్తున్న వాహనదారులు భయాందోళనలు వ్యక్తం చేస్తున్నారు. అటు భారీ వర్షాలకు వరద పోటెత్తడంతో పురానా పూల్ వంతెనకు సైతం పగుళ్లు ఏర్పడ్డాయి. దీంతో వంతెనపై రాకపోకలు నిలిపివేశారు. భారీ వర్షలు మరికొన్ని రోజులు పాటు పడతాయని ఐఎండీ అధికారులు హెచ్చరించారు.

Read More: KCR: ఇల్లు కూలిపోతే రూ.లక్ష, ప్రతి ఇంటికీ 10 వేల పరిహారం

మరోవైపు హైదరాబాద్‌ను వరుణుడు వదలడం లేదు. ఆర్థరాత్రి నుంచి మళ్ళీ భారీ వర్షం కురుస్తుంది..లోతట్టు ప్రాంత ప్రజలు అప్రమత్తంగా ఉండాలని అధికారులు హెచ్చరించారు. వచ్చే కొన్ని గంటలో భారీ నుంచి అతి భారీ వర్షం పడే అవకాలు ఉన్నాయని వాతావరణశాఖ అధికారులు తెలిపారు.గత కొన్నిరోజులుగా హైదరాబాద్‌ను ముంచెత్తిన అతి భారీ వర్షం నుంచి ప్రజలు పూర్తిగా కోలుకోకముందే మళ్లీ వర్షం కురుస్తుండంతో నగర వాసులుల్లో భయాందోళనలు నెలకొన్నాయి.