కేటీఆర్ సీఎం అంశం బీజేపీకి అనవసరం.. మంత్రి కీలక వ్యాఖ్యలు

తెలంగాణ రాష్ట్రానికి ముఖ్యమంత్రిగా కేటీఆర్ ను నియమించ బోతున్నారు అనే ప్రచారం జోరందకుంది. దీనిపై తాజాగా మంత్రి గంగుల కమలాకర్ కూడా స్పందించారు. ఇది పార్టీ అంతర్గత విషయమని ఆయన వెల్లడించారు. తెలంగాణ రాష్ట్రానికి కేటీఆర్ ముఖ్యమంత్రిగా నియమించడానికి అన్నివిధాలా సమర్థుడని కొనియాడారు. పాలనపరంగా కేటీఆర్ మంచి అనుభవం సాధించారు.. నిర్ణయాలు తీసుకొని విధానంలో కానీ పని చేసే విధానం లో కానీ కేటీఆర్ మంచి సమర్థత గల వ్యక్తి అని గంగుల ప్రశంసించారు.

Read More: ఇంటి స్థలాన్ని తాకట్టు పెట్టిన మంత్రి... రూ. 45 లక్షలు అప్పు తీసుకున్న హరీశ్‌ రావు

కేసీఆర్.. ఏ నిర్ణయం తీసుకున్నా.. మేము దానికి కట్టుబడి ఉన్నామని స్పష్టం చేశారు. అన్ని విధాల
కేటీఆర్ కు... ముఖ్యమంత్రి అయ్యే అర్హత ఉంది. కేటీఆర్ తండ్రికీ తగ్గ తనయుడు.. సమర్ధత విషయంలోనూ పాలన పరిపాలన విధానంలోనూ అతని తండ్రికి తగ్గ తనయుడు అని ప్రశంసల వర్షం కురిపించారు. కానీ అది మా పార్టీ అంతర్గత వ్యవహారం... ఇప్పుడు ఇది అవసరం లేని చర్చ అని అన్నారు. బీజేపీకి దీనిపై చర్చ అన‌వ‌స‌రం అని మంత్రి గంగుల పేర్కొన్నారు. కానీ కేసీఆర్ ముఖ్యమంత్రిగా కేటీఆర్ ను ప్రకటిస్తే మాత్రం మా అందరి మద్దతు తప్పనిసరిగా ఉంటుందని గంగుల తెలిపారు.