Harish rao: ఇదే లాస్ట్ ఛాన్స్ అంటున్న హరీష్ రావు

ఎల్ఆర్ఎస్‌కు ఇటీవల గడువు ముగిసిన విషయం తెలిసిందే. పట్టణ, గ్రామీణ ప్రాంతాల్లోని అక్రమ, అనధికార లేఅవుట్లు, పాట్ల క్రమబద్ధీకరణను తప్పనిసరిచేస్తూ ఆగస్టు 31న రాష్ట్రప్రభుత్వం ఈ పథకాన్ని ప్రవేశపెట్టింది. దీంతో రాష్ట్రవాప్తంగా ఎల్ఆర్ఎస్‌కు భారీ స్పందన వచ్చింది. అయితే సాదా బైనామాల సాదా బైనామాల క్రమబద్ధీకరణకు ఈనెల 10వరకు అవకాశం ఇచ్చింది. అయితే ఈ సందర్భంగా దీనిపై మాట్లాడుతూ .. ఇదే చివరి అవకాశమని, ఈనెల 10లోగా మీసేవ కేంద్రాల్లో దరఖాస్తు చేసుకోవాలని ఆర్థిక శాఖ మంత్రి హరీశ్‌రావు కోరారు.

సాదాబైనామా అంటే తెల్ల కాగితంపై భూమి కొనుగోలు లేదా రిజిస్టర్ కాని క్రయ విక్రయాలు. రిజిస్ట్రేషన్ కానీ ఏ కాగితాల ద్వారా భూమి కొనుగోలు చేసినా అది సాదాబైనామా కొనుగోలే అవుతుంది. రిజిస్ట్రేషన్ కాని కొనుగోలుపై ఏదైనా పట్టా పొందాలంటే వాటిని రెగ్యులరైజేషన్ చేయించుకోవడం, లేదా రిజిస్ట్రేషన్ చేయించుకోవడం చేస్తేనే పట్టా వస్తుంది. బాండు పేపర్పై లేదా స్టాంపు పేపర్ మీద భూమి కొనుగోలు చేసిన లేదా వాటిని నోటరీ చేయించుకున్నా సరే అన్ రిజిస్టర్డ్ (రిజిస్ట్రేషన్ కాని) కొనుగోలు కిందికే వస్తుంది. Read More: రేపు ఉదయం సంచలన ప్రకటన.. KTR సస్పెన్స్ ట్వీట్, సర్వత్రా ఉత్కంఠఅందుకే ఈ సందర్భంగా సాదా బైనామాల క్రమబద్ధీకరణకు గ్రామాల్లో ప్రచారం చేసి, ఈనెల 10లోగా దరఖాస్తు చేసుకునేలా చైతన్యం తేవాలని కోరారు మంత్రి హరీష్ రావు. తెల్లకాగితంపై రాసుకోకపోయినప్పటికీ దరఖాస్తు చేసుకోవాలని హరీశ్‌ సూచించారు. ఈ సందర్భంగా మాట్లాడుతూ సాగుచేసే ప్రతీ భూమికి పాస్‌బుక్కు ఉండాలన్నారు. రైతు బంధు, రైతు బీమా వంటి సహాయం అందాలంటే పాస్‌బుక్కు తప్పనిసరి అన్నారు మంత్రి. అందుకే తెల్లకాగితంపై రాసుకున్న భూముల క్రయవిక్రయాల ఒప్పందాలకు చట్టబద్ధత కల్పించడానికి ప్రభుత్వం ఈ నిర్ణయం తీసుకుందని పేర్కొన్నారు హరీష్ రావు.
గురువారం మర్రి చెన్నారెడ్డి మానవ వనరుల కేంద్రంలో సంగారెడ్డి జిల్లా ప్రజాప్రతినిధులతో ఆయన టెలీకాన్ఫరెన్స్‌ నిర్వహించారు.