గుండెలపై కేసీఆర్.. ఇలాంటివి వద్దన్న కేటీఆర్

కొందరు అభిమానులు.. తమకు నచ్చిన హీరోలు, నాయకులపై తమకున్న అభిమానాన్ని చాటుకునేందుకు రకరకాల ప్రయత్నాలు చేస్తుంటారు. అయితే కొందరు కొన్ని సాహసాలు కూడా చేస్తుంటారు. తమకున్న పిచ్చి అభిమానాన్ని తెలిపేందుకు ఇలాంటివి చేస్తుంటారు. తాజాగా టీఆర్ఎస్ కార్యకర్త చేసిన పని చూసి మంత్రి కేటీఆర్ ఫీల్ అయ్యారు. అలాంటివి చేయోద్దంటూ అతనికి సూచించారు. వివారాల్లోకి వెళ్లే.. టీఆర్ఎస్ పార్టీకి రాష్ట్ర వ్యాప్తంగా వేలాది మంది కార్యకర్తలు అభిమానులు ఉన్న సంగతి తెలిసిందే.

అయితే రామాంజనేయులు అనే టీఆర్ఎస్ కార్యకర్త తన శరీరంపై ముఖ్యమంత్రి కేసీఆర్‌, కేటీఆర్ బొమ్మలతో పచ్చబొట్లు వేయించుకున్నారు. వాటిపై మంత్రి కేటీఆర్ స్పందించారు. అతని ఒంటిపై ఉన్న పచ్చబొట్లను చూసి మంత్రి కేటీఆర్‌ విస్మయం చెందారు. ఇలాంటి సాహసాలు చేయవద్దని రామాంజనేయులు తోపాటు ఇతర కార్యకర్తలు,ట అభిమానులకకు సూచించారు. సోమవారం ప్రగతిభవన్‌ వద్ద కేటీఆర్‌ను కలిసిన రామాంజనేయులు తన చొక్కా విప్పి చాతీ, వెన్నుపై ఉన్న పచ్చబొట్లను చూపించారు.

Read More: దాడికి 15 నిమిషాల ముందే పోలీసులు వచ్చారు: మంత్రి హరీష్ రావు

అనంతరం ట్విటర్‌లోనూ కేటీఆర్‌ దీనిపై స్పందించారు. ఇలాంటి పనులు చేయోద్దంటూ మంత్రి హితవు పలికారు. సోమవారం టీఆర్ఎస్‌లో బీజేపీ నేత రావుల శ్రీధర్ చేరిన విషయం తెలిసిందే. ఈసందర్భంగా ప్రగతి భవన్‌కు పెద్ద ఎత్తున టీఆర్ఎస్ కార్యకర్తలు, రావుల అనుచరులు చేరుకున్నారు. ఈ సందర్భంగా ఓ అభిమాని ఇలా పచ్చబొట్లతో కేటీఆర్, కేసీఆర్‌పై తనకున్న అభిమానాన్ని చాటుకున్నాడు.