హైదరాబాద్ మోస్ట్ డైనమిక్ సిటీ అయినందుకు అసలు కారణం ఇదే.. :కేటీఆర్

ప్రపంచ వ్యాప్తంగా హైదరాబాద్‌ అరుదైన గుర్తింపును దక్కించుకోవడం గర్వకారణమని మంత్రి కేటీఆర్ అన్నారు. ప్రపంచ క్రియాశీల (డైనమిక్‌) నగరాల జాబితాలో మొదటి స్థానంలో నిలవడంపై కేటీఆర్ సంతోషం వ్యక్తం చేశారు. ముఖ్యమంత్రి కేసీఆర్ నాయకత్వంలోనే హైదరాబాద్ దూసుకుపోతోందని వ్యాఖ్యానించారు. 2014కు ముందు తొలి 20 స్థానాల్లో కూడా లేని హైదరాబాద్‌ను ఈ ఐదేళ్లలో తొలి స్థానానికి సీఎం కేసీఆర్ నాయకత్వంలోనే తీసుకొచ్చామని ఆదివారం ట్వీట్ చేశారు. 2016లో 5 స్థానంలోకి, 2017లో మూడో స్థానంలోకి, 2019లో రెండో స్థానంలో, 2020 కల్లా బెంగళూరును వెనక్కు నెట్టి మొదటి ప్లేస్‌కు వచ్చినట్లు వివరించారు.

Also Read: హైదరాబాద్: భారీగా డ్రంక్ అండ్ డ్రైవ్ టెస్ట్‌లు.. పట్టుబడ్డ మహిళలపై కేసులు

ఐదేళ్లలో నగరం మొదటి స్థానానికి ఎగబాకడం రాష్ట్రానికే గర్వకారణమని కొనియాడారు. రాష్ట్రం కొత్తగా ఏర్పడ్డప్పుడు హైదరాబాద్‌ను ఇంకా ఎలా హ్యాండిల్ చేస్తారో అని అందరిలో అనుమానాలు ఉన్నాయని గుర్తు చేశారు. ఈ సంస్థ రూపొందించిన ‘సిటీ మూమెంటమ్‌ ఇండెక్స్‌-2020’ను కేటీఆర్, జేఎల్‌ఎల్‌ సీఈవో రమేశ్‌ నాయర్‌, జీహెచ్‌ఎంసీ బొంతు రామ్మోహన్‌‌తో కలిసి శనివారం విడుదల చేశారు.

Also Read: హైదరాబాద్ పోలీసుల హ్యాకథాన్.. సత్తా ఉంటే రూ.లక్ష ప్రైజ్ మనీ

ప్రముఖ ప్రాపర్టీ కన్సల్టింగ్‌ సేవల సంస్థ జేఎల్‌ఎల్‌ రూపొందించిన ‘2020 సంవత్సరానికి ప్రపంచంలోనే అత్యంత క్రియాశీల నగరాల జాబితా’లో భాగ్యనగరం మొదటి స్థానంలో నిలిచింది. ఈ జాబితాలో బెంగళూరు రెండో స్థానంలో నిలవగా.. టాప్‌ 20 స్థానాల్లో ఏడు భారతీయ నగరాలు ఉన్నాయి. సామాజిక ఆర్థిక వ్యవస్థ, స్థిరాస్తి, వ్యాపార అవకాశాలు, ఉపాధి అవకాశాలు ప్రామాణికంగా 130 నగరాలను రియల్‌ ఎస్టేట్‌ రంగంలో పేరొందిన జేఎల్‌ఎల్‌(జోన్స్‌ ల్యాంగ్‌ లాసలె) సంస్థ అధ్యయనం చేసింది.

Also Read: మాజీ ఎంపీ రాయపాటికి ‘సీబీఐ అధికారుల’ బెదిరింపులు.. నిఘా టీంతో గుట్టు రట్టు
Also Read: ‘దొంగ దారిలో వెళ్లేందుకు జగన్ కొత్త మార్గం’ లోకేశ్ సంచలన కామెంట్లు
Also Read: కేసీఆర్‌కు ధైర్యం ఉందా! దమ్ముంటే ఆ పని చేయాలి :ఉత్తమ్ ఘాటు వ్యాఖ్యలు