త్వరలో కొత్త పురపాలక చట్టం.. మార్పు కష్టమే.. కానీ తప్పదు :కేటీఆర్

రాష్ట్ర ప్రజల సౌకర్యం లక్ష్యంగా కొత్త పురపాలక చట్టాన్ని పక్కాగా అమలు చేస్తామని పురపాలక శాఖ మంత్రి కేటీఆర్ తెలిపారు. నిర్మాణం చేపట్టుకోవాలనుకొనే వారికి సులభంగా, వేగంగా అనుమతులు పొందే విధంగా నూతన విధానం తీసుకురానున్నట్లు ఆయన వెల్లడించారు. బుద్ధ భవన్‌లో శుక్రవారం రాష్ట్ర టౌన్ ప్లానింగ్ సిబ్బందితో కేటీఆర్ సమావేశం నిర్వహించారు. ఈ సందర్భంగా రాష్ట్ర పురపాలక శాఖ భవిష్యత్తు కార్యాచరణ, సిబ్బంది చేయాల్సిన లక్ష్యాల గురించి ప్రసంగించారు.

Also Read: ఏపీకి మూడు రాజధానులపై వీహెచ్ సంచలన వ్యాఖ్యలు

సంప్రదాయంగా కొనసాగుతూ వస్తున్న నిర్మాణ అనుమతుల ప్రక్రియను మార్చేటప్పుడు, తొలుత కొన్ని సవాళ్లు ఎదురవుతాయని, కానీ మార్పు సాధించి తీరతామని మంత్రి కేటీఆర్ అన్నారు. గతంలో పరిశ్రమల శాఖ అనుమతుల విధానం పూర్తిగా సింగిల్ విండో పద్ధతిని తీసుకొచ్చిన విధానాన్ని గుర్తు చేశారు. సాంకేతిక పరిజ్ఞానాన్ని ఉపయోగించుకొని అనుమతుల ప్రక్రియలో సమయాన్ని తగ్గించి, పారదర్శకతను పెంచే లక్ష్యంగా పని చేస్తున్నామని తెలిపారు.

Also Read: డెలివరీ సమయంలో శిశువు తల కోసేసి.. డాక్టర్ అంతులేని నిర్లక్ష్యం
అయితే, ప్రజలు ఈ విధానాన్ని దుర్వినియోగం చేసి, తప్పుడు అనుమతులు తీసుకున్నా, అక్రమ నిర్మాణాలు చేపట్టినా వాటిని ఎలాంటి నోటీసు లేకుండా కూల్చే అధికారం కొత్త పురపాలక చట్టంలో ఉందని, ఈ విషయాన్ని ప్రజలు దృష్టిలో ఉంచుకోవాలని మంత్రి హెచ్చరించారు. నూతన పురపాలక చట్టంలో పురపాలక ఉద్యోగులు, పాలక మండళ్లపైనా కఠిక చర్యలు తీసుకునే వీలున్న విషయాన్ని గుర్తుంచుకోవాలన్నారు. భవన నిర్మాణ అనుమతుల విషయంలో ఎలాంటి ఒత్తిళ్లకు తలోగ్గాల్సిన అవసరం లేదని, నిబంధనల ప్రకారమే వ్యవహరించాలని సూచించారు. ఈ సమావేశంలో పురపాలక శాఖ ముఖ్య కార్యదర్శి అరవింద్ కుమార్‌తో పాటు హైదరాబాద్ సీసీపీ దేవేందర్ రెడ్డి, డీటీసీపీ ఉన్నతాధికారులు పాల్గొన్నారు.

See Photo Story: శీతాకాల విడిదికి విచ్చేసిన భారత రాష్ట్రపతికి ఘన స్వాగతం