వచ్చే నెలలో సీఎం.! కేటీఆర్ షాకింగ్ డెసిషన్.. నేరుగా నేతలకు ఫోన్లు?

తెలంగాణ ముఖ్యమంత్రిగా మంత్రి కేటీఆర్ బాధ్యతలు చేపట్టబోతున్నారంటూ ఇటీవల పెద్ద చర్చే నడుస్తోంది. సొంతపార్టీ మంత్రులు, ఎమ్మెల్యేలు కేటీఆర్ సీఎం కానున్నారని బహిరంగ వేదికలపైనే వ్యాఖ్యానిస్తున్నారు. కేటీఆర్ సీఎం అయితే తప్పేంటి అని ఓ మంత్రి.. ఆయన సీఎం అయితే ఆయన వెంటే మేమంతా ఉంటామంటూ మరో మంత్రి సమర్థించారు. డిప్యూటీ స్పీకర్ పద్మారావు ఒకడుగు ముందుకు వేసి కాబోయే సీఎంకి అభినందనలు అంటూ సభాముఖంగా సంబోధించి ప్రచారం నిజమేనన్న సంకేతాలిచ్చారు.

అంతేకాకుండా వచ్చే నెలలోనే కేటీఆర్ సీఎంగా బాధ్యతలు చేపడతారన్న ఊహాగానాలు కూడా షికార్లు చేశాయి. ఇటీవల ఈ వ్యవహారం పార్టీ వర్గాల్లోనే కాకుండా రాష్ట్రవ్యాప్తంగా చర్చనీయాంశమైంది. అయితే ఈ వ్యవహారంపై ఇప్పటి వరకూ మౌనంగా ఉంటూ వస్తున్న కేటీఆర్ నేతలతో డైరెక్ట్‌గా టచ్‌లోకి వచ్చినట్లు తెలుస్తోంది. తాను సీఎం అయ్యే విషయం అటుంచితే ఆ విషయం ఇకపై ఎవరూ మాట్లాడొద్దంటూ సూచించారట.

తన రాజకీయ భవిష్యత్తు గురించి ఎవరూ మాట్లాడొద్దని.. ఇక అలాంటి ప్రకటనలకు దూరంగా ఉండండంటూ స్వయంగా కేటీఆర్ నేతలను కోరినట్లు సమాచారం. రాష్ట్రంలోని అధికార పార్టీ ఎమ్మెల్యేలు, ముఖ్య నాయకులకు ఆయనే స్వయంగా ఫోన్ చేసి మరీ బహిరంగ ప్రకటనలు చేయొద్దని చెప్పినట్లు తెలిసింది. వచ్చే నెలలో ముఖ్యమంత్రిగా పట్టాభిషేకం జరగనుందని ప్రచారం జరిగిన నేపథ్యంలో కేటీఆర్ ఫోన్ కాల్ వ్యవహారం హాట్‌టాపిక్‌గా మారింది. ఆయనే సీఎం అంటూ నేతలు ప్రకటనలు చేస్తుంటే.. ఇప్పుడే వద్దంటూ కేటీఆర్ ఆపడంలో ఆంతర్యమేంటో ఆ పెరుమాళ్‌కే తెలియాలి.

Also Read:
అతి త్వరలో కేటీఆర్‌కు సీఎం పదవి.. ఇదిగో కన్‌ఫాం, వీడియో
Read Also: ఇంట్లో దొంగలు పడినా దొరకని బంగారం.. ఆ గృహిణి తెలివికి వావ్ అనాల్సిందే!!
Also Read: