రోడ్డుపై నెలన్నర పసికందు.. కొత్తబట్టలు వేసి పేరు పెట్టిన పోలీసులు

అభం శుభం తెలియని ఓ పసికందును కన్నతల్లే రోడ్డు పాలు చేసింది. రెండు నెలలు కూడా నిండని పసిపాపను వదిలేసి వెళ్లిపోయింది. అమ్మ అనే పదానికి మచ్చ తెచ్చిన ఈ దారుణ ఘటన భాగ్యనగరం నడిబొడ్డులో చోటు చేసుకుంది. నెలన్నర వయసు ఉన్న చిన్నారిని రోడ్డుపై వదిలి వెళ్ళిన ఘటన కూకట్‌ పల్లి పోలీస్‌ స్టేషన్‌ పరిధిలో చోటుచేసుకుంది. వివరాల్లోకి వెళ్తే గురువారం ఉదయం 11 గంటల సమయంలో మూసాపేట్‌ నుంచి కైత్ల పూర్‌ వెళ్లే దారిలో ఉన్నటువంటి పెట్రోల్‌ బంకు వద్ద ఓ పసిపాప కనిపించింది.

Read More: నాయిని అంత్యక్రియల్లో రెచ్చిపోయిన దొంగ.. పలువురి జేబులు ఖాళీ.. వీడియో

ఎవరో గుర్తు తెలియని మహిళ ,నెలన్నర వయసుగల పసి పాపని వదిలి వెళ్లినట్లు స్థానికులు గుర్తించారు. చిన్నారిని కాపాడి వెంటనే పోలీసులకు సమాచారం అందించారు. దీంతో వెంటనే కూకట్‌ పల్లి పోలీస్‌ స్టేషన్‌కు సంబంధించిన, పెట్రోల్‌ మొ బైల్‌ వెళ్లింది. పసిపాపను పోలీస్‌ స్టేషన్‌ తీసుకు వచ్చారు. మహిళా పోలీస్‌లు, ఆ చిన్నారిని శుభ్రం చేసి, కొత్త బట్టలు వేశారు. ఆ పసిపాపకి కూకట్‌ పల్లి ఇన్స్పెక్టర్‌ లక్ష్మీ నారా యణ రెడ్డి చేరదీసి ఇందిర అని నామకరణం చేశారు. అనంతరం చైల్డ్‌లైన్‌కి సమాచారం పంపడంతో పసి పాప యోగక్షేమాలు చూసేందుకు శిశువిహార్‌కి అప్పగించారు.ట