యాప్నగరం

ఏపీ మండలి రద్దుపై రాజ్యసభ సభ్యుడు సంచలన వ్యాఖ్యలు

AP legislative council: శాసన మండలి నిర్వహణ వ్యయం భారమని చెబుతుండడం కూడా ఎంత మాత్రం ఆమోదయోగ్యం కాదని ఎంపీ కే కేశవరావు వ్యాఖ్యానించారు. రాష్ట్రాలకు పెద్దల సభల అవసరం ఎంతో అవసరమని అన్నారు.

Samayam Telugu 28 Jan 2020, 2:08 pm
ఏపీలో శాసన మండలిని రద్దు చేయడం సరికాదని టీఆర్ఎస్ రాజ్యసభ సభ్యుడు కె. కేశవరావు అభిప్రాయపడ్డారు. ఇందుకోసం శాసన మండలి నిర్వహణ వ్యయం భారమని చెబుతుండడం కూడా ఎంత మాత్రం ఆమోదయోగ్యం కాదని వ్యాఖ్యానించారు. రాష్ట్రాలకు పెద్దల సభల అవసరం ఎంతో అవసరమని అన్నారు. సాధారణంగా రాష్ట్ర ప్రభుత్వాలు చేసిన తీర్మానాలను కేంద్రం అమలు చేస్తోందని, అవసరమైతే అమలుకు ఎక్కువ సమయం తీసుకోచ్చని అన్నారు. అయితే, ముఖ్యమంత్రి కేసీఆర్ ఏపీ ముఖ్యమంత్రి జగన్ నిర్ణయాలను సమర్థిస్తున్న నేపథ్యంలో ఎంపీ కేకే ఈ వ్యాఖ్యలు చేయడం ప్రాధాన్యం సంతరించుకుంది.
Samayam Telugu kesavarao


Also Read: హైదరాబాద్‌‌లో కరోనా వైరస్ కలకలం.. పలు ఆస్పత్రుల్లో ప్రత్యేక ఐసీయూలు

నేరేడుచర్ల మున్సిపల్ ఛైర్మన్ ఎన్నిక వ్యవహారంలో ఎంపీ కేకే ఎస్ఈసీ నాగిరెడ్డిని కలిసిన సందర్భంలో ఈ వ్యాఖ్యలు చేశారు. నేరేడుచర్ల అంశంపై స్పందిస్తూ.. ఎక్స్ అఫీషియో అంశాన్ని తాను ఎస్ఈసీ దృష్టికి తీసుకెళ్లానని చెప్పారు. తాను తప్పుడు ఓటు వేశాననడం సరికాదని అన్నారు. వాస్తవాలన్నింటినీ ఎస్ఈసీకి వివరించినట్లు చెప్పారు.

Also Read: దిశ కేసులో మరిన్ని ఆధారాలు.. కీలక దశలో ఫోరెన్సిక్ నివేదిక

తాను ఏపీ నుంచి రాజ్యసభకు ప్రాతినిథ్యం వహిస్తున్నందున పరస్ఫరం రాష్ట్రాలు మార్చుకుంటూ తాను, కేవీపీ లేఖలు ఇచ్చినట్లు చెప్పారు. ఈ మేరకు అప్పటి కేంద్రమంత్రి ప్రకాశ్ జావడేకర్ ఆదేశాలు కూడా ఇచ్చినట్లు గుర్తు చేశారు. దీనిపై 2014లో నోటిఫికేషన్ కూడా జారీ చేసినట్లు వివరించారు. కేవీపీకి తెలంగాణలో సాధారణ ఓటు హక్కు కూడా లేదన్నారు. ఇద్దరికీ ఓటు హక్కు ఇవ్వడం సరికాదు కాబట్టి, తాను ఓటు వేసినట్లు వెల్లడించారు. కేవీపీకి ఓటు హక్కు ఇస్తారా లేదా అనే అంశం ఎస్ఈసీ పరిధిలోనిదని అన్నారు. తాజా మున్సిపల్ ఎన్నికల గురించి స్పందిస్తూ ప్రభుత్వ పనితీరు వల్లే టీఆర్ఎస్ వరుసగా విజయాలు సాధిస్తోందని కొనయాడారు.

Also Read: Also Read: ప్రపంచంలోనే అతిపెద్ద ధ్యాన కేంద్రం.. తాబేలు ఆకారంలో, ప్రారంభం ఈరోజే..

తరవాత కథనం

Telugu News App: ఏపీ, తెలంగాణకు సంబంధించిన లేటెస్ట్ అప్‌డేట్స్‌, జాతీయ, అంతర్జాతీయ, ఎడ్యుకేషన్, బిజినెస్, సినిమా, ఆధ్యాత్మికం, స్పోర్ట్స్, వైరల్ కథనాల కోసం తెలుగు సమయం యాప్‌ను డౌన్‌లోడ్ చేసుకోండి.
తాజా వార్తల అప్డేట్ల కోసం Samayam Telugu ఫేస్‌బుక్పేజీను లైక్ చెయ్యండి.