యాప్నగరం

‘సీఎం పని మీరు చేస్తున్నందుకు థ్యాంక్స్ మేడమ్’.. గవర్నర్‌పై అభినందనల వాన

Raj Bhavan: గవర్నర్ చేసిన ట్వీట్‌కు స్పందనగా ఎంతో మంది నెటిజన్లు కొవిడ్ విషయంలో క్షేత్ర స్థాయిలో తాము ఎదుర్కొంటున్న సమస్యలను కామెంట్ల రూపంలో తెలియజేశారు.

Samayam Telugu 6 Jul 2020, 11:57 pm
తెలంగాణ గవర్నర్ తమిళిసై సౌందరరాజన్ మంగళవారం ప్రైవేటు ఆస్పత్రుల ప్రతినిధులతో సమాశం కానున్న సంగతి తెలిసిందే. కరోనా చికిత్స కోసం ఆస్పత్రులు కల్పిస్తున్న మౌలిక సదుపాయాలు, అందుబాటులో ఉన్న పడకలు, చికిత్సకు వసూలు చేస్తున్న ఫీజు, కొవిడ్ టెస్టులు జరుగుతున్న తీరు తదితర అంశాలపై మంగళవారం ఉదయం 11 గంటలకు గవర్నర్ సమావేశం నిర్వహించనున్నారు. ఈ మేరకు గవర్నర్ తమిళిసై ట్వీట్ చేసిన సంగతి తెలిసిందే. ఈ క్రమంలో రాష్ట్రంలో కరోనా తీవ్రమైన వ్యాప్తి దృష్ట్యా గవర్నర్ చొరవ తీసుకొని సమీక్షలు నిర్వహించడంపై సర్వత్రా అభినందనలు వ్యక్తమవుతున్నాయి.
Samayam Telugu తమిళిసై సౌందరరాజన్, తెలంగాణ గవర్నర్
tamilisai soundararajan



కరోనా కట్టడిపై ముఖ్యమంత్రి చేయాల్సిన సమీక్షలను గవర్నర్ ఎంతో చొరవ తీసుకొని నిర్వహిస్తున్నారని నెటిజన్లు కామెంట్లు చేస్తున్నారు. గవర్నర్ చేసిన ట్వీట్‌కు స్పందనగా ఎంతో మంది నెటిజన్లు కొవిడ్ విషయంలో క్షేత్ర స్థాయిలో తాము ఎదుర్కొంటున్న సమస్యలను కామెంట్ల రూపంలో తెలియజేశారు. వీటన్నింటిని చదివిన గవర్నర్ తమిళిసై వాటిలో ముఖ్యమైన వాటికి స్పందించడం విశేషం.


Must Read: కరోనా రోగి మరో వీడియో వైరల్.. ఏకంగా మంత్రి ఈటలకు ఫోన్ చేసి.. I

నగరంలోని పలు ఆస్పత్రుల్లో ఖాళీ పడకల వివరాలను తెలియపరిచేలా చర్యలు తీసుకోవాలని గవర్నర్‌ తమిళిసైని ఓ నెటిజన్ కోరారు. హైదరాబాద్‌లో కరోనా వ్యాప్తి దారుణంగా ఉందని, లాక్‌డౌన్ విధించేలా ప్రభుత్వంపై ఒత్తిడి తేవాలని మరో నెటిజన్ కోరారు. కరోనా వ్యాప్తి, పరీక్షలు, చికిత్సల విషయంలో చొరవ చూపాలని మరో నెటిజన్ విన్నవించారు. వీటన్నింటిపై స్పందించిన గవర్నర్ చర్యలు తీసుకుంటానని హామీ ఇచ్చారు. హైదరాబాద్‌లో ప్రైవేటు ఆస్పత్రులు ప్రజల రక్తం తాగుతున్నాయని మరో నెటిజన్ ఆవేదన వ్యక్తం చేశారు. రాష్ట్రంలో రోజుకు ఐదారువేల పరీక్షలే జరుగుతున్నాయని, ఈ విషయంలో ప్రభుత్వంపై ఒత్తిడి తీసుకోవాలని గవర్నర్‌ను పలువురు కోరారు.

మరో నెటిజన్ స్పందిస్తూ కేసీఆర్ ప్రభుత్వం కరోనా కట్టడికి సీరియస్‌గా ఏ రకమైన చర్యలూ తీసుకోవడం లేదని, మీరు చొరవ చూపుతున్నందుకు ధన్యవాదాలని ఇంకో నెటిజన్ కామెంట్ చేశాడు.

Must Read: కరోనాపై సమీక్షకు సీఎస్‌, అధికారులకు గవర్నర్ పిలుపు.. షాకింగ్ సమాధానం

Also Read: undefined

తరవాత కథనం

Telugu News App: ఏపీ, తెలంగాణకు సంబంధించిన లేటెస్ట్ అప్‌డేట్స్‌, జాతీయ, అంతర్జాతీయ, ఎడ్యుకేషన్, బిజినెస్, సినిమా, ఆధ్యాత్మికం, స్పోర్ట్స్, వైరల్ కథనాల కోసం తెలుగు సమయం యాప్‌ను డౌన్‌లోడ్ చేసుకోండి.
తాజా వార్తల అప్డేట్ల కోసం Samayam Telugu ఫేస్‌బుక్పేజీను లైక్ చెయ్యండి.