Netizens Responds On Wanaparthy Constable Suspension Who Beats A Man
వనపర్తి ఘటనలో షాకింగ్ ట్విస్టు.. పార్ట్-2 వీడియో వైరల్
వనపర్తి జిల్లా కేంద్రంలో ఓ వ్యక్తికి, కానిస్టేబుల్కు మధ్య జరిగిన ఘర్షణ ఆ పోలీస్ సస్పెన్షన్కు దారి తీసిన సంగతి తెలిసిందే. ఘర్షణ జరిగిన వెంటనే ఆ వీడియో సామాజిక మాధ్యమాల్లో వైరల్ అవడంతో అది మంత్రి కేటీఆర్ దృష్టిలో పడింది. ఆయన ఆదేశాల మేరకు అదే రోజు సాయంత్రానికి కానిస్టేబుల్పై వేటు పడింది. అంతేకాక, వనపర్తి జిల్లా ఎస్పీ అపూర్వ రావు బాధితుడి ఇంటికి వెళ్లి పరామర్శించడం కూడా ప్రాధాన్యం సంతరించుకుంది. లాక్ డౌన్ వేళ కుమారుడితో కలిసి బైక్పై వెళ్తున్న వ్యక్తిని ఆపిన సందర్భంలో కానిస్టేబుల్కు, ఆ వ్యక్తికి మధ్య తగాదా చోటు చేసుకుంది. చిన్న పిల్లాడి ముందే తండ్రిని ఆ కానిస్టేబుల్ కింద పడేసి కొట్టడాన్ని చాలా మంది తప్పుబట్టారు. పోలీసు శాఖలో ఇలాంటి కొంత మంది చేసే తప్పిదాల వల్ల మొత్తం శాఖకే చెడ్డ పేరు వస్తుందని మంత్రి కేటీఆర్ కూడా అన్నారు. చివరికి కానిస్టేబుల్ సస్పెండ్ అయ్యాక, మొత్తం ఈ వ్యవహారంపై భిన్నాభిప్రాయాలు వినిపిస్తున్నాయి.
Samayam Telugu4 Apr 2020, 11:18 am
వనపర్తి జిల్లా కేంద్రంలో ఓ వ్యక్తికి, కానిస్టేబుల్కు మధ్య జరిగిన ఘర్షణ ఆ పోలీస్ సస్పెన్షన్కు దారి తీసిన సంగతి తెలిసిందే. ఘర్షణ జరిగిన వెంటనే ఆ వీడియో సామాజిక మాధ్యమాల్లో వైరల్ అవడంతో అది మంత్రి కేటీఆర్ దృష్టిలో పడింది. ఆయన ఆదేశాల మేరకు అదే రోజు సాయంత్రానికి కానిస్టేబుల్పై వేటు పడింది. అంతేకాక, వనపర్తి జిల్లా ఎస్పీ అపూర్వ రావు బాధితుడి ఇంటికి వెళ్లి పరామర్శించడం కూడా ప్రాధాన్యం సంతరించుకుంది. లాక్ డౌన్ వేళ కుమారుడితో కలిసి బైక్పై వెళ్తున్న వ్యక్తిని ఆపిన సందర్భంలో కానిస్టేబుల్కు, ఆ వ్యక్తికి మధ్య తగాదా చోటు చేసుకుంది. చిన్న పిల్లాడి ముందే తండ్రిని ఆ కానిస్టేబుల్ కింద పడేసి కొట్టడాన్ని చాలా మంది తప్పుబట్టారు. పోలీసు శాఖలో ఇలాంటి కొంత మంది చేసే తప్పిదాల వల్ల మొత్తం శాఖకే చెడ్డ పేరు వస్తుందని మంత్రి కేటీఆర్ కూడా అన్నారు. చివరికి కానిస్టేబుల్ సస్పెండ్ అయ్యాక, మొత్తం ఈ వ్యవహారంపై భిన్నాభిప్రాయాలు వినిపిస్తున్నాయి.
ఆ బైక్పై 14 చలానాలు
లాక్ డౌన్ వేళ బైక్పై ఇద్దరు ప్రయాణిస్తున్నందుకు కానిస్టేబుల్ బైక్ ఆపాడని, అంతేకాక ఆ బైక్పై 14 చలానాలు పెండింగ్లో ఉన్నాయనే వాదన వినిపిస్తోంది. ఆ పెండింగ్ చలానాలు చెల్లించాలని కానిస్టేబుల్ పట్టుబట్టడడమే ఈ ఘర్షణకు దారితీసినట్లుగా ప్రత్యక్షసాక్షులు చెబుతున్నారు. అయితే, సామాజిక మాధ్యమాల్లో వైరల్ అయిన వీడియోలో కేవలం కానిస్టేబుల్ అతణ్ని కింద పడేసి కొట్టడం మాత్రమే ఉంది. అంతకు ముందు వారిద్దరి మధ్య జరిగిన సంభాషణ ఆ వీడియోలో లేదు. ఈ నేపథ్యంలో కానిస్టేబుల్ సస్పెన్షన్ను వ్యతిరేకించేవారు కొంత మంది ఆ ఘర్షణకు ముందు వీడియోను ట్విటర్లో వైరల్ చేస్తున్నారు.
Twitter-Rajendar
ఎస్పీకి కేటీఆర్ ధన్యవాదాలు
గురువారం వనపర్తి ఎస్పీ అపూర్వ రావు కానిస్టేబుల్పై చర్యలు తీసుకున్న అనంతరం మంత్రి కేటీఆర్ ట్విటర్ వేదికగా స్పందించారు. తన సలహా మేరకు చిన్న బాలుడు నిక్రోష్ను కలిసినందుకు ధన్యవాదాలు తెలిపారు. అలా కలవడం ఆ బాలుడికి మానసిక స్థైర్యాన్ని ఇచ్చినట్లయిందని ట్వీ్ట్లో పేర్కొ్న్నారు. అంతేకాక, బాలుడితో ఎస్పీ సరదాగా మాట్లాడుతున్న ఫోటోను కూడా జత చేశారు. దీనిపై స్పందించిన ఎస్పీ.. సలహా ఇచ్చినందుకు ధన్యవాదాలు తెలిపారు. బాలుడు నిక్రోష్కు భవిష్యత్తుపై ఎన్నో కలలు ఉన్నాయని, కచ్చితంగా అతను ఏదో ఒక రోజు పోలీస్ అవుతాడని దీమా వ్యక్తం చేశారు.
ఈ ట్వీట్పై నెటిజన్లు భిన్న రకాలుగా స్పందించారు. వనపర్తి ఘటన మీద స్పందించిన కేటీఆర్కు కొందరు ధన్యవాదాలు తెలిపారు. నిజామాబాద్లో ఆశా వర్కర్ల మీద కుక్కలు వదిలారని ఆ విషయం కూడా కాస్త పట్టించుకోవాలని రామక్రిష్ణ అనే వ్యక్తి సూచించారు. మరో వ్యక్తి ‘‘ఒక్కసారి గమనించగలరు సర్.. చిన్న బాబుని చూశారు కానీ, అతని తండ్రి చేసిన తప్పునకు పోలీసు బలి అయ్యాడు.’’ అని కామెంట్ రాశాడు. కానిస్టేబుల్ను సస్పెండ్ చేయడం విచారకరమని మరో నెటిజన్ అభిప్రాయపడ్డాడు. 14 చలాన్లు పెండింగ్లో ఉన్న వ్యక్తిని ఎలా విడిచిపెడతారని అన్నారు.
వనపర్తిలో తండ్రీ కొడుకులు ఒకే బైక్పై వెళ్తుండగా పోలీసులు వారిని ఆపారు. ఓ కానిస్టేబుల్కు, ఆ వ్యక్తికి మధ్య జరిగిన సంభాషణ తారస్థాయికి చేరి, అది ఘర్షణకు దారి తీసింది. చిన్న కుమారుడి ముందే అతని తండ్రిని సివిల్ డ్రెస్లో ఉన్న కానిస్టేబుల్ అమానుషంగా కింద పడేసి కొట్టాడు. విచక్షణా రహితంగా దాడి చేశాడు. దీంతో బాధితుడి కుమారుడు బెంబేలెత్తిపోయి ఏడుస్తూ కన్నీళ్లతో.. ప్లీజ్ అంకుల్ మా డాడీని కొట్టొద్దు అంటూ వేడుకున్నాడు. అక్కడే ఉన్న పోలీసులు వారి వివాదాన్ని ఆపి ఆ వ్యక్తిని పోలీసు కారులో కూర్చోబెట్టారు. సమీపంలోని వారు ఈ వీడియో తీసి దాన్ని ట్విటర్లో ఉంచి, మంత్రి కేటీఆర్ను ట్యాగ్ చేశారు. దీంతో మంత్రి కఠిన చర్యలు తీసుకోవాలని ఆదేశాలిచ్చారు.
We use cookies and other tracking technologies to provide services in line with the preferences you reveal while browsing the Website to show personalize content and targeted ads, analyze site traffic, and understand where our audience is coming from in order to improve your browsing experience on our Website. By continuing to browse this Website, you consent to the use of these cookies. If you wish to object such processing, please read the instructions described in our privacy policy/cookie policy.