దారుణం.. అప్పుడే పుట్టిన ఆడపిల్లను కాలువలో పడేశారు

ఆడపిల్ల అంటే ఈరోజుకు కూడా తక్కువగానే చూస్తున్నారు. కొంతమంది పుట్టక ముందే కడుపులోనే చిదిమేస్తున్నారు. మరికొందరు పుట్టాక చంపేస్తున్నారు. తాజాగా మేడ్చల్ జిల్లాలో దారుణం చోటు చేసుకుంది. ఆడపిల్ల పుట్టిందని కొందరు దుండగులు కాలువలో పడేశారు. ఈ అమానుషం కుషాయిగూడ పోలీస్ స్టేషన్ పరిధిలో జరిగింది. మేడ్చల్ జిల్లాలోని కుషాయిగూడ పోలీస్ స్టేషన్ పరిధిలోని లక్ష్మీ నరసింహ కాలనీలో మురికి కాలువలో అప్పుడే పుట్టిన పసికందు కలకలం రేపింది.

Read More: మరో వారంలో పెళ్లి... అంతలోనే యువతి మృతి

కాలువలో పడ్డ పసికందు ఆడపిల్లగా గుర్తించారు. కొందరు గుర్తుతెలియని వ్యక్తులు మురికి కాలువ లో పడేసి పోయారని స్థానికులు ఆవేదన వ్యక్తం చేస్తున్నారు.వెంటనే పోలీసులకు సమాచారాన్ని అందించారు. సంఘటనా స్థలానికి చేరుకున్న పోలీసులు మృతదేహాన్ని బయటకు తీయడానికి ప్రయత్నం చేస్తున్నారు. ఇంతటి ఘాతుకానికి తల పడిన వ్యక్తులు ఎవరు అనే కోణంలో కేసు నమోదు చేసుకుని దర్యాప్తు చేపట్టారు. చుట్టుపక్కల వ్యక్తుల్ని విచారిస్తున్నారు.అంతేకాకుండా ఆస్పత్రుల్లో జరిగిన డెలివరీల వివరాలు కూడా సేకరిస్తున్నారు.