Nampalli: బుధవారం సాయంత్రం మంత్రులు మహమూద్‌ అలీ, తలసాని శ్రీనివాస్‌, ఈటల రాజేందర్‌ ఎగ్జిబిషన్‌ను ప్రారంభించారు. ఏటా 46 రోజుల పాటు నుమాయిష్ ప్రదర్శన జరుగుతున్న విషయం తెలిసిందే.
Samayam Telugu1 Jan 2020, 7:11 pm
హైదరాబాద్‌లో ఏటా జరిగే నుమాయిష్ ఎగ్జిబిషన్ (అఖిల భారత పారిశ్రామిక ప్రదర్శన) ప్రారంభమైంది. బుధవారం సాయంత్రం మంత్రులు మహమూద్‌ అలీ, తలసాని శ్రీనివాస్‌, ఈటల రాజేందర్‌ ఎగ్జిబిషన్‌ను ప్రారంభించారు. ఏటా 46 రోజుల పాటు (జనవరి 1 నుంచి ఫిబ్రవరి 15 వరకు)నుమాయిష్ ప్రదర్శన జరుగుతున్న విషయం తెలిసిందే. ఎగ్జిబిషన్ సందర్భంగా సందర్శకుల సౌకర్యార్థం మెట్రో రైలు సర్వీసులు రాత్రి 11 గంటల వరకు నడవనున్నాయి. గతంలో ఎగ్జిబిషన్‌లో దాదాపు 2,500 వరకూ స్టాళ్లను ఏర్పాటు చేసే వారు కాగా.. ఈ సంవత్సరం కొన్ని కారణాల వల్ల వాటిని కుదించి 1,500 నుంచి 2 వేల మధ్య మాత్రమే ఏర్పాటు చేయనున్నట్లు అధికారులు తెలిపారు.
ప్రత్యేకతలివీ.. ఏటా ఎగ్జిబిషన్ లోనికి ప్రవేశించే మార్గాలకు అదనంగా ఈసారి మరో ఆరింటిని ఏర్పాటు చేశారు. భద్రతపరమైన నిఘా కోసం నిరంతరం అడుగడుగునా సీసీటీవీ కెమెరాలు ఏర్పాటు చేసి, పర్యవేక్షిస్తున్నారు. సెక్యూరిటీ తనిఖీలతోపాటు ప్రత్యేకమైన సిబ్బందితో స్టాళ్లలో సిలిండర్లను ఏర్పాటు చేయకుండా నిరంతరం సోదాలు చేపట్టేలా చర్యలు తీసుకున్నారు.
స్టాళ్లకు ఇన్సూరెన్స్‌లు గతేడు జరిగిన ఘోర అగ్ని ప్రమాదం జరిగిన నేపథ్యంలో ఈసారి అన్ని స్టాళ్లకు ఇన్సూరెన్స్ సౌకర్యం కల్పించారు. ఎగ్జిబిషన్ సొసైటీ ఈసారి పబ్లిక్‌ లియబిలిటీ కింద రూ.5 కోట్ల వరకు బీమా సౌకర్యాన్ని కల్పించింది. స్టాల్ యజమానులు తక్కువ ప్రీమియంతో ఇన్సూరెన్స్ తప్పనిసరిగా తీసుకోవాలని సొసైటీ సూచించింది. అగ్ని మాపక నిబంధనలు పాటించని స్టాల్ యజమానులకు విద్యుత్‌ సరఫరా నిలిపి వేస్తామని సొసైటీ హెచ్చరించింది.
We use cookies and other tracking technologies to provide services in line with the preferences you reveal while browsing the Website to show personalize content and targeted ads, analyze site traffic, and understand where our audience is coming from in order to improve your browsing experience on our Website. By continuing to browse this Website, you consent to the use of these cookies. If you wish to object such processing, please read the instructions described in our privacy policy/cookie policy.
