చెవిలో హెడ్ ఫోన్స్ .. రైలు ఢీకొని వ్యక్తి దుర్మరణం

చెవిలో హెడ్ ఫోన్ పెట్టుకుని మాట్లాడుతూ.. రైలును ఢీకొన్న దుర్టటన రంగారెడ్డి జిల్లాలో చోటు చేసుకుంది. ఈఘటనలో ఫోన్ మాట్లాడుతున్న వ్యక్తి దుర్మరణం పాలైయ్యాడు. రంగారెడ్డి జిల్లా ఫరూక్ నగర్ మండలం కడియాల కుంట తండా సమీపంలో రైల్వే ట్రాక్ పై ఈ సంఘటన చోటు చేసుకుంది. సోమవారం ఉదయం రాయికల్ బురుజు గడ్డ తండాకు చెందిన మూడవత్ రాంసింగ్ డబల్ లైన్ రైల్వే ట్రాక్ పై ఫోన్ మాట్లాడుతూ నిలుచున్నాడు.

Read More: హేమంత్, అవంతి తల్లులు బెస్ట్ ఫ్రెండ్స్.. విచారణలో షాకింగ్ నిజాలు

పాత రైల్వే ట్రాక్ పై రైలు వస్తుందనే భావనతో కొత్త రైల్వే ట్రాక్ పై నిలుచుని ఫోన్ మాట్లాడుతున్నాడు. చెవిలో హెడ్ ఫోన్స్ ఉండడంతో రైలు వచ్చే శబ్దం వినిపించలేదు. దీంతో రైలు దగ్గరకు వచ్చినా కూడా రాంసింగ్‌ చెవిలో ఇయర్ ఫోన్స్ ఉండటంతో రైలు వస్తున్న శబ్ధం వినిపించలేదు. దీంతో రైలు సమీపించి రాంసింగ్ ను ఢీకొట్టింది. సంఘటనా స్థలంలోనే రాంసింగ్ దుర్మరణం పాలయ్యాడు. ఈ సంఘటనపై రైల్వే పోలీసులు విచారణ జరుపుతున్నారు. మరిన్ని వివరాలు తెలియాల్సి ఉంది.