టీవీ9 మాజీ సీఈవో రవిప్రకాశ్‌పై మరో కేసు

టీవీ9 మాజీ సీఈవో రవిప్రకాశ్‌పై మరో కేసు నమోదైంది. నకిలీ ఐడీ కార్డు రూపొందించినట్లు ఆయనపై కేసు నమోదు చేశారు. ఐ ల్యాబ్ పేరుతో నటరాజన్ అనే వ్యక్తి పేరు మీద ఫేక్ ఐడీ కార్డు క్రియేట్ చేసినట్లు పోలీసులు గుర్తించారు. రవిప్రకాశ్‌పై 406/66 ఐటీ యాక్ట్ కింద కేసు నమోదు చేసినట్లు సీసీఎస్ పోలీసులు తెలిపారు.

ఇప్పటికే పలు కేసుల్లో ఆరోపణలు ఎదుర్కొంటున్న రవిప్రకాశ్ చంచల్‌గూడ జైల్లో రిమాండ్‌ ఖైదీగా ఉన్నారు. సైబరాబాద్ పోలీసులు ఆయణ్ని పీటీ వారెంట్‌పై కస్టడీలోకి తీసుకున్నారు.

Also Read: దడ పుట్టిస్తున్న ప్రైవేట్ డ్రైవర్లు.. ప్రయాణికుల్లో ఆందోళన

రవిప్రకాశ్‌పై టీవీ9లో సంతకాల ఫోర్జరీ కేసు నమోదైన విషయం తెలిసిందే. ఈ కేసుతో ఉక్కిరిబిక్కిరి అవుతున్న ఆయనపై ఇటీవల రామారావు అనే న్యాయవాది మరో ఫిర్యాదు చేశారు. రవిప్రకాశ్‌ మీడియా హౌస్‌కు చెందిన వెబ్‌ఛానెళ్లలో తనపై తప్పుడు ఆరోపణలతో వార్తా కథనాలను ప్రచురించారని ఆయన ఆరోపించారు. పరువు నష్టం దావా వేయనున్నట్లు హెచ్చరించారు.