అమ్మో!! ఆస్పత్రిలో కర్ర పుల్లలు ఇలా వాడతారా.. ఉస్మానియాలో రోగుల పాట్లు! వీడియో

ఉస్మానియా ఆస్పత్రిలో సౌకర్యాల లేమికి అద్దం పట్టే మరో ఘటన చోటు చేసుకుంది! ఆస్పత్రిలోని జనరల్ వార్డులో పేషంట్ల పడకల వద్ద ఉండాల్సిన కనీసమైన, ప్రాథమికమైన వస్తువు ఒకటి వార్డులోని చాలా చోట్ల లేకపోవడం ఆశ్చర్యానికి గురి చేస్తోంది. సాధారణంగా ప్రథమ చికిత్స అందించే స్థాయి ఆస్పత్రిలో సైతం రోగి పడక వద్ద గ్లూకోజ్ బాటిల్ పెట్టేందుకు ప్రత్యేకమైన స్టాండు ఉంటుంది. కానీ, ఉస్మానియా ఆస్పత్రిలో అవి కొరవడినట్లు తెలుస్తోంది. వీటికి సంబంధించిన వీడియోలు సామాజిక మాధ్యమాల్లో విపరీతంగా వైరల్ అవుతున్నాయి.
Don't Miss Photos: తెలంగాణలో పంద్రాగస్టు వేడుకలు.. సీఎం సహా ప్రముఖుల జెండా ఆవిష్కరణ ఫోటోలు

జనరల్ వార్డులోని పడకల వద్ద సెలైన్ బాటిల్ వేలాడదీసేందుకు ఉండాల్సిన స్టాండు స్థానంలో ఏకంగా కర్ర పుల్లలను ఉంచారు. మంచానికి ఆ కర్రపుల్లలను కట్టేసి కాస్త ఎత్తులో వాటికి గ్లూకోస్ బాటిళ్లను వేలాడదీశారు. దీనికి సంబంధించిన వీడియో బయటకు వచ్చింది. అయితే, ఈ విషయం గ్రహించిన ఆస్పత్రి సిబ్బంది కాసేపటికి అన్ని పడకల వద్ద స్టాండ్లను ఏర్పాటు చేశారు. ఆ తర్వాత అన్ని పడకల వద్ద స్టాండ్లు కనిపించాయి.

Also Read: undefined

స్థానిక విలేకరి ఒకరు అదే వార్డులో చికిత్స పొందుతున్న ఓ మహిళను ప్రశ్నించగా.. గ్లూకోజ్ బాటిళ్లను పెట్టేందుకు ఏర్పాటు చేసిన కర్రలను తీసేశారని చెప్పారు. ఇప్పుడు అన్ని పడకల వద్ద సెలైన్ బాటిళ్లు వేలాడదీసే స్టాండులు ఏర్పాటు చేసినట్లు ఆమె తెలిపారు.