ఓయూ ప్రొఫెసర్ ఆత్మహత్య.. ఇంట్లోనే ఫ్యాన్‌కు ఉరేసుకొని..

హైదరాబాద్‌లోని తార్నాకలో ఒక ప్రొఫెసర్ ఆత్మహత్య చేసుకున్నారు. విజయవాడకు చెందిన రాహుల్ అనే వ్యక్తి హైదరాబాదులో ఉస్మానియా యూనివర్సిటీ ఇ‌ఫ్లూలో (ఇంగ్లీష్, విదేశీ భాషల విశ్వవిద్యాలయం) అసిస్టెంట్ ప్రొఫెసర్‌గా పని చేస్తున్నారు. ప్రొఫెసర్‌గా పని చేస్తూ తార్నాకలో నివాసం ఉంటున్నాడు. ఇతను బుధవారం మధ్యాహ్నం ఉరేసుకుని ఆత్మహత్యకు పాల్పడ్డారు. రాహుల్‌కి వివాహమైంది కానీ వ్యక్తిగత కారణాల చేత భార్యతో విడాకులు తీసుకొని ఒంటరిగా ఉంటున్నారు.

ఒంటరిగా ఉంటున్న రాహుల్ తార్నాకలోని తన ఇంట్లో ఫ్యాన్‌కు ఉరి వేసుకుని ఆత్మహత్య చేసుకోవడంపై అనుమానాలు తలెత్తుతున్నాయి. విషయం తెలుసుకున్న ఓయూ పోలీసులు ఘటన స్థలానికి చేరుకొని కేసు నమోదు చేసుకుని దర్యాప్తు చేస్తున్నారు. ఆత్మహత్య చేసుకోవడానికి గల కారణాలు ఇంకా తెలియరాలేదని పోలీసులు తెలిపారు. మృతదేహాన్ని పోస్ట్ మార్టం నిమిత్తం ఉస్మానియా ఆస్పత్రి మార్చురీకి తరలించారు. ఆత్మచేసుకొనేందుకు ఒంటరితనం వల్ల కలిగే ఒత్తిడి వంటివి కారణాలు అయి ఉంటాయని పోలీసులు ప్రాథమికంగా భావిస్తున్నారు.