ఆర్టీసీ బస్సుకు రూ.1000 ఫైన్

నిబంధనలకు విరుద్ధంగా అతివేగంగా దూసుకెళ్లిన ఆర్టీసీ బస్సుపై ట్రాఫిక్ పోలీసులు చర్యలు తీసుకున్నారు. బస్సును వేగంగా నడిపిన డ్రైవర్‌కు 1000 రూపాయల జరిమానా విధించారు. పంజాగుట్ట పోలీస్ స్టేషన్ పరిధిలో శుక్రవారం (ఫిబ్రవరి 7) మధ్యాహ్నం ఈ ఘటన చోటు చేసుకుంది. జగద్గిరిగుట్ట నుంచి మెహిదీపట్నం వైపు వెళ్తున్న ఏపీ 28 జెడ్ 1220 నంబర్ గల ఆర్టీసీ బస్సును ఆపిన పంజాగుట్ట ట్రాఫిక్ పోలీసులు జరిమానా విధించారు.

డ్రైవర్ సురేందర్ రెడ్డి అతివేగంగా బస్సును నడుపుతూ నియమ నిబంధనలను ఉల్లంఘించాడని ట్రాఫిక్ పోలీసులు తెలిపారు. నిబంధనలు ఉల్లంఘిస్తే ఎంతటి వారైనా సరే ఉపేక్షించేది లేదని స్పష్టం చేశారు. వేగంగా బస్సు నడిపిన ఘటనల్లో ట్రాఫిక్ పోలీసులు గతంలోనూ పలువురు డ్రైవర్లకు జరిమానా విధించారు.

Also Read: కంపెనీ సీఈవోపై కన్నేశాడు.. ఆమెను ఎలాగైనా పొందాలనుకొని, చివరికి ట్విస్టు!