చైతన్యపురిలో ఫార్మసీ విద్యార్థిని ఆత్మహత్య

హైదరాబాద్ నగరంలోని చైతన్యపురిలో విషాద ఘటన చోటు చేసుకుంది. అలకాపురి కాలనీలోని ఓ ప్రైవేట్ హాస్టల్‌లో ఫార్మసీ విద్యార్థిని ఆత్మహత్యకు పాల్పడింది. శనివారం (ఫిబ్రవరి 29) మధ్యాహ్నం హాస్టల్ భవనంలోని తన గదిలో ఫ్యాన్‌కు ఉరేసుకొని బలవన్మరణానికి పాల్పడింది. మృతురాలిని యాదగిరిగుట్టకు చెందిన తేజస్వినిగా గుర్తించారు. ఆత్మహత్యకు కారణాలు తెలియాల్సి ఉంది.

తేజస్విని శనివారం మధ్యాహ్నం నుంచి గది తలుపులు తీయకపోవడంతో హాస్టల్‌ సిబ్బంది అనుమానంతో కిటికీ నుంచి చూడగా.. ఫ్యానుకు విగతజీవిగా వేలాడుతూ కనిపించింది. హాస్టల్‌ నిర్వాహకుల సమాచారం మేరకు పోలీసులు ఘటనా స్థలానికి చేరుకొని పరిశీలించారు. మృతదేహాన్ని పోస్టుమార్టం నిమిత్తం ఉస్మానియా ఆస్పత్రికి తరలించారు. ఘటనపై కేసు నమోదు చేసి దర్యాప్తు చేస్తున్నట్లు పోలీసులు తెలిపారు.

Also Read: పోలీసుల మందు పార్టీ, నాగినీ డ్యాన్స్.. వీడియో వైరల్, సీపీ సజ్జనార్ ఫైర్