కాకతీయ కాల్వలో కారు: విచారణ పూర్తి, అసలు నిజాలు తేల్చిన పోలీసులు

ఎమ్మెల్యే సోదరి రాధిక కుటుంబం కాకతీయ కాల్వలో పడి మరణించిన కేసులో పోలీసులు విచారణను పూర్తి చేశారు. వారు ప్రయాణిస్తున్న కారు కాకతీయ కాలువలో ప్రమాదవశాత్తుగానే పడినట్లుగా పోలీసులు నిర్ధరించారు. వారు కుటుంబం మొత్తం ఆత్మహత్యకు పాల్పడ్డట్లు వస్తున్న కథనాలు అవాస్తవమని విచారణలో తేల్చారు. అన్ని కోణాల్లో విచారణను పూర్తి చేశామని పోలీసు వర్గాలు వెల్లడించారు. అయితే, ఈ విషయాలను పోలీసులు అధికారికంగా ప్రకటించాల్సి ఉంది.

Also Read: ఎస్సై భూ సెటిల్మెంట్ల దందా!.. వీడియో వైరల్

ఈ కారు ప్రమాదం కేసులో విచారణ కోసం ఐపీఎస్ ట్రైయినీ ఆఫీసర్‌ను కూడా విచారణ కోసం నియమించారు. విచారణలో భాగంగా బంధువులు, చనిపోయిన వారి ఫోన్ కాల్ డేటా, సీసీటీవీ ఫుటేజీలను పోలీసులు పరిశీలించినట్లుగా తెలుస్తోంది. పూర్తి నివేదికను మరో 48 గంటల్లో విడుదల చేసే అవకాశం ఉన్నట్లు సమాచారం.

Also Read: మీకు నీళ్లివ్వను పొండి.. రైతులపై టీఆర్ఎస్ ఎమ్మెల్యే ఫైర్

కరీంనగర్‌ జిల్లా యాదాలపల్లి సమీపంలోని కాకతీయ కాల్వలో ఈ నెల 17న ఓ కారు లభ్యమైన సంగతి తెలిసిందే. ఇందులో నలుగురి మృత దేహాలు ఉన్నాయి. వీరిని రాధ (పెద్దపల్లి ఎమ్మెల్యే మనోహర్ రెడ్డి చెల్లెలు), ఆమె భర్త లక్ష్మీపూర్‌కు చెందిన సత్యనారాయణరెడ్డిగా గుర్తించారు. వీరు 15 రోజుల క్రితం తమ కుమార్తెతో కలిసి వెళ్తుండగా కారు కాల్వలో పడిపోయినట్లు తొలుత భావించారు. తర్వాత వారిపై ఎలాంటి మిస్సింగ్ కేసూ నమోదు కాకపోవడంతో ఈ వ్యవహారంలో పలు అనుమానాలు వెల్లువెత్తాయి.
Must Read: హీరోయిన్ రష్మిక ఫోటోపై జగిత్యాల కలెక్టర్ కామెంట్.. పోలీసులకు ఫిర్యాదు

Must Read: కలెక్టర్ల కన్నా ఎక్కువ జీతాలు.. అయినా పని చేయరా? నిలదీసిన మంత్రి హరీశ్