నిమజ్జనంలో అపశ్రుతి.. గణేశ్ విగ్రహాన్ని లారీలోకి ఎక్కిస్తుండగా..

హైదరాబాద్ గణేశ్ నిమజ్జనోత్సవాల్లో అపశ్రుతి చోటుచేసుకుంది. బహదూర్‌పుర పోలీస్ స్టేషన్‌ పరిధిలో వినాయక నిమజ్జన విధులు నిర్వహిస్తున్న రవీందర్ ఓ పోలీస్ కానిస్టేబుల్ తీ‌వ్రంగా గాయపడ్డాడు. కిషన్‌బాగ్ వద్ద గణేశ్ విగ్రహాన్ని క్రేన్‌తో లారీలోకి ఎక్కించే సమయంలో రవీందర్ అకస్మాత్తుగా క్రేన్‌పై నుంచి కింద పడిపోయారు. ఆయనకు తీవ్ర గాయలయ్యాయి. దీంతో ఆ కానిస్టేబుల్‌ను వెంటనే నాంపల్లి కేర్ హాస్పిటల్‌కు తరలించారు. పరిస్థితి విషమంగా ఉన్నట్లు తెలుస్తోంది.

Must Read: గంగమ్మ ఒడికి ఖైరతాబాద్ గణపతి.. విశేషాలివే

మరోవైపు జంట నగరాల్లో వినాయక నిమజ్జనాలు కొనసాగుతున్నాయి. గురువారం ఉదయమే ప్రారంభమైన ఖైరతాబాద్ మహాగణపతి శోభాయాత్ర కొద్దిసేపటికి క్రితమే ముగిసింది. హుస్సేన్ సాగర్ తీరానికి చేరుకున్న గణనాథుణ్ని భారీ క్రేన్ సహాయంతో నిమజ్జనం చేశారు.

అనంతరం మిగతా విగ్రహాలను ఒక్కొక్కటిగా నిమజ్జనం చేస్తున్నారు. నిమజ్జనోత్సవంలో పాల్గొనడానికి ట్యాంక్ బండ్ తీరానికి భక్తులు భారీ సంఖ్యలో తరలివచ్చారు. దీంతో పోలీసుల పట్టిష్ట భద్రతను ఏర్పాటు చేశారు. శుక్రవారం మధ్యాహ్నం వరకు నిమజ్జనం కొనసాగనున్నట్లు తెలుస్తోంది.