వేధింపులతో పాలిటెక్నిక్ విద్యార్థిని ఆత్మహత్య.. మీర్‌పేటలో విషాదం

హైదరాబాద్‌లోని మీర్‌పేటలో విషాదం చోటు చేసుకుంది. పాలిటెక్నిక్‌ విద్యార్థిని ఆత్మహత్య చేసుకుంది. తీగల రాంరెడ్డి (టీఆర్‌ఆర్‌) కాలేజీలో పాలిటెక్నిక్‌ ఫైనలియర్‌ చదువుతున్న సంధ్య అనే అమ్మాయి ఆదివారం (నవంబర్ 3) సాయంత్రం ఇంట్లో ఎవరూ లేని సమయంలో ఫ్యాన్‌కు ఉరేసుకొని బలవన్మరణానికి పాల్పడింది. కాలేజీ యాజమాన్యం బెదిరింపుల వల్లనే సంధ్య ఆత్మహత్య చేసుకుందని తోటి విద్యార్థులు ఆరోపిస్తున్నారు. న్యాయం చేయాలంటూ కాలేజీ గేటు ముందు బైఠాయించి ఆందోళన నిర్వహించారు.

Also Read: మొదటి ప్రియుడినే పెళ్లి చేసుకుంటా.. హయత్‌నగర్ కీర్తి

పార్వతి మేడమ్‌ వేధింపులు భరించలేకే సంధ్య ఆత్మహత్య చేసుకుందని విద్యార్థులు ఆరోపిస్తున్నారు. డిటెండ్‌ చేస్తామని కాలేజీ యాజమాన్యం బెదిరిస్తోందని బెబుతున్నారు. సంధ్య మృతితో ఆమె తల్లిదండ్రులు కన్నీరుమున్నీరవుతున్నారు.