గాంధీ ఆస్పత్రిలో 2 గంటల కరెంటు కోత! మంత్రి ఈటల సీరియస్

గాంధీ ఆస్పత్రిలో గురువారం కొంత సేపు కరెంటు పోవడం సంచలనం సృష్టిస్తోంది. కరోనా వార్డులో దాదాపు రెండు గంటలుగా విద్యుత్ సరఫరా నిలిచిపోయింది. దీంతో పేషంట్లు చీకటిలోనే ఇబ్బంది పడ్డారు. వైద్య సిబ్బంది సైతం రోగులకు చికిత్స అందించడంలో కాస్త ఇబ్బందులు ఎదుర్కొన్నారు. తర్వాత కాసేపటికి విద్యుత్తు సరఫరాను గాంధీ ఆస్పత్రి సిబ్బంది పునరుద్ధరించారు.

గాంధీ ఆస్పత్రిలో కరెంటు అంతరాయంపై మంత్రి ఈటల రాజేందర్ సీరియస్ అయ్యారు. వెంటనే అక్కడికి జనరేటర్ పంపాల్సిందిగా ఆదేశించారు. కోవిడ్ ఆస్పత్రులతో పాటు అన్ని ఆస్పత్రుల్లో జనరేటర్లు చెక్ చేసి పెట్టుకోవాలని సిబ్బందికి సూచించారు. అందులోకి సరిపడా డీజిల్ నిల్వలు ఉంచుకోవాలని నిర్దేశించారు. ప్రభుత్వ జనరేటర్లు సరిపోకపోయినా, అందుబాటులో లేకపోయినా, అవసరమైతే ప్రైవేటు జనరేటర్లు వాడుకోవాలని సూచించారు.

Must Read:undefined

Must Read: కరోనా మరణాలు: లాజిక్‌తో కొట్టిన ఎమ్మెల్యే సీతక్క.. సంచలన వీడియో బయటికి..